POP 5

Lajmet më të lexuara të 5 minutave të fundit

Dosje

Vizita e Enverit në Jugosllavi dhe
dekorimi hero i popujve jugosllavë

Ish-drejtori arkivave Kastriot Dervishi ka postuar pak më parë në Facebook një shkrim, në të cilin shkruhet për vizitën në Jugosllavi të ish-diktatorit Enver Hoxha më 23 qershor - 2 korrik 1946.
Vizita e Enverit në Jugosllavi dhe<br />dekorimi hero i popujve jugosllavë<br>
Ish-drejtori arkivave Kastriot Dervishi ka postuar në Facebook një shkrim, në të cilin shkruhet për vizitën në Jugosllavi të ish-diktatorit Enver Hoxha më 23 qershor - 2 korrik 1946.

Gjatë kësaj vizite Enver Hoxha mori edhe urdhrin e Heroit të Popujve Jugosllavë, për të cilën u shpreh se “Në çastet më të vështira vendi ynë ka gjetur mbështetjen më të madhe te Jugosllavia dhe populli ynë ka patur te popujt e Jugosllavisë, miqtë dhe aleatët më besnikë”.

Shkrimi në Facebook i Kastriot Dervishit:
Heroi i popujve jugosllavë

Më 23 qershor - 2 korrik 1946, kryeministri i Shqipërisë Enver Hoxha vizitoi anekënd Jugosllavinë me përjashtim të trevave shqiptare. Pasi ç'nuk tha për "miqësinë e përjetshme" të "popujve vëllezër", më 27 qershor 1946 presidenti i Presidiumit të Asamblesë Popullor të Republikës Federative Popullore të Jugosllavisë, Ivan Ribar, i dorëzoi urdhrin e Heroit të Popujve Jugosllavë. I dekoruari, i prekur thellë për nderin e madh që iu bë, në formën e betimit deklaroi në këtë ceremoni:
“Jam i gëzuar dhe i lumtur që po marr nga Presidiumi i Asamblesë Popullore të Jugosllavisë dekoratën më të madhe të popujve të Jugosllavinë, urdhrin e Heroit të Popujve. Jam i gëzuar se dekorata që më jepet është e të gjithë popullit shqiptar, i cili pa rezerva dhe pa kompromis u hodh në luftën e madhe antifashiste përkrah të gjithë popujve liridashës duke mos kursyer edhe jetën. Në çastet më të vështira vendi ynë ka gjetur mbështetjen më të madhe te Jugosllavia dhe populli ynë ka patur te popujt e Jugosllavisë, miqtë dhe aleatët më besnikë. Kjo miqësi dhe ky vëllazërim që është vaditur me gjakun e martirëve tanë, le të forcohet edhe më tepër mbasi vetëm me këtë mënyrë do të sigurohet një jetë më e mirë për popujt tanë, do të sigurohet paqja në Ballkan dhe do forcohet demokracia. Dekorata që po marr, Urdhri i Heroit të Popullit, do ta mbaj me krenari pse ajo simbolizon vuajtjet dhe luftën e madhe që popujt e Jugosllavisë kanë bërë për lirinë e tyre dhe për gjithë popujt liridashës”. 
Me atë çfarë i bëri popullit shqiptar, ai e meritoi plotësisht dekorimin si hero i popujve jugosllavë.
Bashkëlidhur: Gazeta "Bashkimi" e datës 28 qershor 1946. 

kastriot dervishi

Redaksia Online
l.q/Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Itali/ Shpërndanin kokainë me makinë dhe tentuan arratinë, arrestohet 24-vjeçari shqiptar, nën hetim shoku! Të dy me disa precedentë penalë

Itali/ Shpërndanin kokainë me makinë dhe tentuan arratinë, arrestohet 24-vjeçari shqiptar, nën hetim shoku! Të dy me disa precedentë penalë

26 Dhjetor, 16:04