SHKODER - Policia e Shkodrës ka arrestuar dy autorët e grabitjes së xhamisë “Ebubeker” në lagjen “Vasil Shanto” më 8 nëntor.

Në pranga kanë rënë Sokol Marku, 25 vjeç dhe E. K, 16 vjeç. Dy të rinjtë në bashkëpunim me njëri-tjetrin kanë thyer me levë derën e pasme të xhamisë më të madhe në Shkodër dhe kanë hyrë brenda, duke marrë një sasi parash që ndodhej në kasafortën e xhamisë.

Report TV publikoi pak ditë më parë pamje ekskluzive nga grabitja. Dy autorët ishin të pamaskuar në momentin e grabitjes dhe janë identifikuar lehtësisht nga policia.

(er.nu/shqiptarja.com)