Vjen fitorja e dytë në volejboll, Kombëtarja e femrave fiton në Izrael

Kombëtarja shqiptare në volejboll për femra ka fituar sot pasdite 3-0 ndaj Izraelit, në ndeshjen e vlefshme për Grupin B të Ligës së Europës në volejboll, luajtura në Raanana (Izrael). Ky është triumfi i dytë i kombëtares kuqezi në këtë edicion të Ligës së Europës, i dyti jashtë fushe, aty ku Shqipëria duket se është e papërmbajtshme dhe arrin të triumfojë.

Shqipëria ka edhe një humbje me Austrinë në Tiranë, si dhe një fitore jashtë fushe në Gjeorgji. Një lojë mjaft e mirë e kombëtares shqiptare, që e dominoi ndeshjen në të trija setet, duke i fituar ato me shumë lehtësi dhe diferenca të mëdha pikësh.

Më 30 maj nisin ndeshjet e kthimit të Ligës së Europës dhe rivalja e radhës e kombëtares kuqezi do të jetë pikërisht Izraeli, ndaj të cilit do të luajmë në Tiranë, në “Feti Borova”. Vendi i dytë aktualisht në Grupin B të Ligës së  Europës është një ogur i mirë për të vijuar më tej këtë rrugëtim në takimet e kthimit, dy prej të cilave do t’i luajmë në fushën tonë.

LEXO EDHE:
Zvicra shkelmon mundësinë e kualifikimit, Izraeli e barazon 1-1! Kosova ka shanse për në Euro 2024

Izrael – Shqipëri 0-3 (18-25, 16-25, 14-25)

IZRAELI: Dudockin, Kopilovitch, Stein, Jaloba, Goffer, Lander, Malik, Zilberman, Matviyenko, Cohen, Marmen, Lahav, Hakas, Ganah. Trajner: Giuseoppe Cuccarini

SHQIPËRIA: Bici, E.Tuci, Xheka, Marina, Prenga, Thaka, Picaku, Sejfullai, Rexhepi, Kushi, Sijoni, M.Tuci, Shehi, Dodani. Trajner: Altin Martiri

Gjyqtarë: Ilaria Vagni (Itali), Tiran Shaino (Izrael)

TAG:
• Kombëtarja e femrave
• izraeli
• liga e europes ne volejboll

Sondazhi i ditës:

Si e vlerësoni punën e Gjykatave e Prokurorive në qarqe?

• Mirë

  26.3%

• Keq

  55.1%

• Nuk e di

  18.6%

Vota total: 167

• Sondazhi i ditës:

  Si e vlerësoni punën e Gjykatave e Prokurorive në qarqe?

  Mirë Keq Nuk e di