VLORË- Një 24-vjeçar nga lagjia “28 nentori” ne Vlorë është marrë peng për disa orë dhe është dhunuar nga persona mesditën e ditës së djeshme. 3 janë personat e identifikuar nga policia si pengmarrës të 24-vjeçarit  të cilët janë Maksim Halibi 50 vjec, Julian Halibi 29 vjec dhe Miki Brahimi 37 vjeç banues në Vlorë dhe kushërinj me njëri-tjetrin. 

Në bashkëpunim kanë marre peng në automjetin e tyre pranë lagjes “28 nëntori” në kazino “Cezari”, të riun me iniciale D.S, ndaj të cilit kanë ushtruar dhunë fizike. Më pas pengun e tyre kanë lënë pranë sheshit "Pavarësia" dhe policia e njoftuar për ngjarjen ka bërë arrestimin e agresorëve. 24-vjeçari po merr mjekimin në spitalin e Vlorës, ndërsa paraprakisht pengmarrja dyshohet se ka ndodhur pas një konflikti për motive banale me pjestarëve të fisit Halibaj dhe të riut. 

makina e pengmarresve
(Makina me të cilët agresorët morën peng djalin 24 vjeçar)

Policia po heton për zbardhjen e rrethanave të plota të këtij konflikti dhe vijon punën për arrestimin e tre personave të tjerë të shpallur në kërkim për këtë ngjarje.

Redaksia online
(s.m/shqiptarja.com)