POP 5

Lajmet më të lexuara të 5 minutave të fundit

Kronikë

Vrasja e Ardian Nikulajt, Ruben Saraiva dërgohet në burgun e Reçit me masa të shtuara sigurie! Në gjyq ishte me anti-plumb: Në Shqipëri do të më vrasin

Megjithëse nuk e pranon se ka vrarë Ardian Nikulajn në Shëngjin, portugezi Ruben Saraiva ka thënë në gjykatën e Lezhës ku u njoh me masën e sigurisë arrest me burg, se nëse do të qëndrojë gjatë në Shqipëri, është i rrezikuar

‘Do të më vrasin në Shqipëri’, ka thënë portugezi Ruben Saraiva, i cili një ditë më parë u la në burg nga Gjykata e Lezhës, si i dyshuar për vrasjen e biznesmenit Ardian Nikulaj me 19-prill të vitit që lamë pas në Shëngjin.

28-vjeçari i ekstraduar nga Maroku për tu përballur me drejtësinë shqiptare, ka qenë i veshur me antiplumb gjatë seancës gjyqësore për rivlerësimin e masës së sigurisë të dhënë në mungesë ndaj tij, ndërsa në deklarimet para togave të zeza ndonëse ka mohuar përfshirjen në vrasje është shprehur i frikësuar se mund t’i rrezikohej jeta gjatë qëndrimit në Shqipëri.

"Sa më gjatë të qëndroj në Shqipëri jam i rrezikuar", mësohet të ketë thënë Ruben Saraiva i cili ka refuzuar të japë dhe gjeneralitetet e plota gjatë seancës gjyqësore të ditës së martë.

Pas caktimit të masës së sigurisë arrest në burg pa afat, nën masa të rrepta sigurie, 28-vjeçari portugez u dërgua në Burgun e Reçit në Shkodër, nga ku mësohet se është hartuar një plan masash për garantimin e sigurisë së tij.

Po për vrasjen e biznesmenit Ardian Nikulaj janë arrestuar në Angli 3 shtetas britanikë dhe Edmond Haxhia si porositës. Edhe për këta të fundit autoritetet shqiptare kanë dërguar kërkesë për ekstradimin e tyre nga Britania në Shqipëri, por ende nuk ka një vendim.

Vrasja e biznesmenit Ardian Nikulaj ishte në vazhdën e zinxhirit të hakmarrjes që familja e viktimës kanë me një fis tjetër, konflikt ky që ndër vite ka prodhuar shumë viktima.

Pista kryesore e vrasjes së biznesmenit Ardian Nikulaj është ajo e hakmarrjes mes fisit Nikulaj dhe Lekstakaj e nisur shumë vite më parë. Nga hetimet e deritnashme, organizator i atentatit ka qenë Edmond Haxhia; Ruben Saraiva në rolin e ekzekutorit ndërsa të tjerët në rolin e ndihmësit. Ardian Nikulaj u ekzekutua brenda lokalit të tij në Shëngjin të Lezhës, kur portugezi, me skafandër në kokë dhe i veshur me jelekë kamuflazhi, hyri dhe qëlloi disa herë me pistoletë duke e lënë të vdekur në vend.

Pas vrasjes së Ardian Nikulajt, në muajin prill, në korrik u ekzekutua me armë zjarri në Balldre Nikolin Lekstakaj kurse në 2 dhjetor Etjan Nikulaj

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 05/01/2024 17:26

    Tani keq n a vjen por mos u merzit se edhe ai qe vrave ti nuk donte te vdiste .lutju zotit te mos vuash shume se e ke Hak plumbin

    Përgjigju
  • Iris: 03/01/2024 23:41

    Po ky tha qe ishte ne Shqiperi me pushime dhe nuk ka lidhje me vrasjen,pse ka frike per jeten kur na qenka /engjell/?!

    Përgjigju
  • Makiwa: 03/01/2024 15:25

    Jo more zotni, a se Ke dit ket Pune qe ne shqiperi te vrasin? A te Kan pelqy leket.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29