POP 5

Lajmet më të lexuara të 5 minutave të fundit

Kronikë

Vrasja e Egli Progës, pamjet e kamerave të lokalit u fshinë me virus! Prokuroria merr program bullgar për rikuperim! Përftohen disa imazhe

Prokuroria e Korçës ka rikthyer në burg tre dëshmitarët e vrasjes së Egli Progës. Ata dyshohet se kanë përdorur një virus kompjuterik për të fshirë pamjet e lokalit ku ndodhi krimi dhe të një marketi përballë. Burimet thanë për Report Tv se deri më tani janë siguruar imazhe të lëvizjes së autorit dhe viktimës, por mungon skena e krimit: Momenti kur Proga u godit për vdekje nga Denis Mece.

Korçe - Ka marrë një tjetër zhvillim hetimi për ngjarjen e rëndë të 10 gushtit në Pogradec, ku në rrethana ende të dyshimta Denis Meçe i mori jetën me grushta kokës 42-vjeçarit, Eglantin Proga, babai i dy fëmijëve.

Burimet thanë për Report tv se janë rikuperuar një pjesë e pamjeve të kamerave të sigurisë së lokalit ku ndodhi vrasja dhe të një marketi përballë. Pamjet dyshohet se ishin fshirë nga pronari i lokalit Voltan Shkullaku dhe klientet Leonidha Guçe dhe Arjan Manellari, duke përdorur një virus kompjuterik.

Prokuroria e Korçes ka marrë një progam të sofistikuar në Bullgari dhe deri më tani ka kryer rikuperimin e një pjese të pamjeve të kamerave. Sipas burimeve, shihet momenti para dhe pas vrasjes së 42-vjecarit dhe të gjitha lëvizjet e autorit dhe dëshmitarëve.

Grupi hetimor me ekspetët më të mirë të IT-së është në proces të rikuperimit të momentit të vrasjes, orës e datës së saktë, çka përbën gurin e themelit në hetim.

Nisur nga këto zhvillime prokuroria ka rikthyer në qeli të tre dëshmitarët, Voltan Shulku, Leonidha Guçe dhe Arjan Manellari, të cilët më herët ishin lënë me masë sigurie detyrim paraqitje. Gjykata e Korçës ka ndryshuar masën e sigurisë nga “detyrim paraqitje” në “arrest me burg” për tre personat që panë skenën e krimit dhe u përpoqën të pengojnë zbulimin e së vërtetës, duke dyshuar se kanë qenë ata që kanë fshirë kamerat e sigurisë.

Vendimi i gjykatës është zbatuar nga policia, e cila ka arrestuar mengjesin e së shtunës tre personat. Sic shihet në këto foto të siguruara nga Report tv, Leonidha Guce dhe Voltan Shkullaku ndihmojnë në transportimin e viktimës në ambulancë.

Ekspertiza e mjekësisë-ligjore nxori si shkak te vdekjes së Proges hemorragjinë në cipën e trurit dhe hemorragjinë në indin trunor. Policia e Pogradecit e arrestoi pas ngjarjes autorin Denis Meçe, me akuzën e vrasjes me dashje, por prokororja tashmë e larguar, Vasjana Postoli lehtësoi akuzën nga vrasje me dashje, në vrasje nga pakujdesia. Krimi tronditës solli reagimin e opinionit publik dhe përplasjen e insitucioneve Polici-Prokurori.

Ndërsa familjarët protestuan duke kërkuar drejtësi për të afërmin e tyre që u vra pa shkak! Tashmë hetimet po i kryen drejtuesja e Prokurorsë së Korçës Dhorina Theodhori, e cila ka siguruar prova që mund të çojnë në zbardhjen e plotë të rrethanave dhe motive të krimit.

R.D/S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

‘Mbështesim SPAK’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar

‘Mbështesim SPAK’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar

21 Dhjetor, 12:49