Vrasja e gruas nga gardisti, Klosi:
E pafalshme, duhej parandalua

Ministri i Mirëqënies Sociale e Rinisë, Blendi Klosi ka dënuar aktin e rëndë të vrasjes së gruas nga gardisti, ngjarje e ndodhur vetëm një ditë më parë në kryeqytet. 

Sipas Ministrit, është e pafalshme që një burrë që dhunonte gruan e tij vijonte që të punonte në mbrojtje të qytetarëve apo shtetarëve të ndryshëm, ndërkohë që ngjarja duhet të ishte parandaluar.

Në të njëjtën kohë, ai ka kërkaur bashkëpunimin e të gjithë aktorëve e faktorëve që diskutimet mbi plagë të tilla të shoqërisë tëmos mbeten vetëm në rang taklimesh e
tryezash, port ë nisë puna konkrete në ndihmë të tyre.

“Edhe pse ne punojmë, edhe pse të gjithë së bashku dakortësohemi, kemi fakte si rasti i Shtëpisë së Foshnjes në Durrës, i cili shërbeu për të ringritur një bisedë të madhe në lidhje me standartet. Ose, për rastin e ndodhur në mes të Tiranës, që burri i armatosur me armën e Shtetit, i cili duhej të ruante interesat e qytetarëve, shkelte ato të gruas së tij. Një gruaje që mbrohej nga gjykata për dhunën sistematike që I ushtronte bashkëshorti. dëshmon se jemi ende shumë larg, qëllimin për mbrojtjen e plotë të familjes shqiptare. Ndaj, ne nuk duhet të ngelemi në kuadër aktivitetesh dhe e them këtë si njeriu më me faj në këtë histori, si përfaqësuesi më i lartë I institucionit që duhet të mbrojë të drejtat e këtyre grave dhe kërkoj gjithmonë e më shumë bashkëpunimin e shoqërisë, reagimin si në rastin e Durrësit i cili duhej të ishte edhe në rastin e Tiranës” tha ai.

Këto deklarata  Ministri Klosi i ftuar në Konferencën e hapjes së Projektit “ Gemal – Gender Mainstreamng në Shqipëri: së bashku me gratë kundër dhunës dhe shfrytëzimit”, 

Klosi ftoi të gjithë të bëhen pjesë e Fushatës së nisur nga Ministria e Mirëqëniës Sociale dhe Rinisë “ UNE MBROJ FEMIJET”.

Fjala e Ministrit ne hapjen e Projektit “ Gemal – Gender Mainstreamng në Shqipëri

Redaksia Online
(F.T/shqiptarja.com)