POP 5

Lajmet më të lexuara të 5 minutave të fundit

Kronikë

Vrasja e Pjerin Xhuvanit në Elbasan/ Gjykimi për Arbër Paplekajn nuk ka fund, shtyhet sërish seanca

Duket një proces i pafundëm ai për Arbër Paplekaj, i akuzuar për vrasjen e Pjerin Xhuvanit. Kjo sepse edhe sot do duhet të kishte një vendim, seanca është shtyrë në 22 dhjetor në orën 09:00.

Vrasja e Pjerin Xhuvanit në Elbasan/ Gjykimi për Arbër Paplekajn nuk ka fund, shtyhet sërish seanca

Pjerin Xhuvani dhe Arbër Paplekajn

ELBASAN- Duket një proces i pafundëm ai për Arbër Paplekaj, i akuzuar për vrasjen e Pjerin Xhuvanit. Kjo sepse edhe sot kur do duhet të kishte një vendim, seanca është shtyrë në 22 dhjetor në orën 09:00. Shtyrja ka qenë për shkak se gjykata kërkon më shumë kohë për kërkesën e avokatëve që është ndarja e proceseve gjyqësore për të pandehurit, si edhe kërkesën për gjykim të shkurtuar ndaj tyre, me përjashtim Arbër Paplekajn.

Ndaj Arbër Paplekajt rëndon akuza për 'vrasje me dashje në rrethana cilësuese'. Sipas Kodit Penal, Papleka rrezikon nga 20 vite burg deri në burg të përjetshëm.  Ndërkohë, dy zv.drejtorët e policisë Nikollaq Pallën, Albert Nushin dhe 6 policët e forcave 'Shqiponja' akuzohen shpërdorim detyre.

Pjerin Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazment Bardhi.

Nga ngjarja e 21 prillit, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë). Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend. Këtë e bëri publik me zë dhe me figurë Sekretari i Përgjithshëm i Partisë Demokratike, Gazment Bardhi duke bërë me dije se Arbër Paplekaj që vrau Xhuvanin të paarmatosur, ishte pjesë e kësaj strukture.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56