Vrasja e Pjerin Xhuvanit nga shoqëruesi i Bardhit, Patozi: Kurrë s’do të derdhet gjak për mandatet e BD, këta s’duhen votuar më

Vrasja e Pjerin Xhuvanit nga shoqëruesi i Bardhit, Patozi: Kurrë s’do të derdhet gjak për mandatet e BD, këta s’duhen votuar më

Kreu i Bindjes Demokratike, Astrit Patozi

Kreu i Bindjes Demokratike, Astrit Patozi ka folur lidhur me betejën e tij elektorale të 25 prillit dhe ngjarjen e rëndë ku ka mbetur i vrarë Pjerin Xhuvani, 2 ditë më parë në Elbasan.

Në emisionin “Të paekspozuarit” ai u shpreh se nuk do të lejojë që asnjë qytetar të rrezikojë jetën e tij për mandatet e Bindjes Demokratike.

“Është derdhur gjak shqiptari dje. Dhe unë ja kam shpjeguar që nëse do gërvishtet qoftë njëri prej tyre, kjo të mos jetë kurrë për mandatet e Bindjes Demokratike.”, tha Patozi duke shtuar se “këta nuk duhen votuar më”.

Ai tha Shqipëria ka nevojë që 71 mandate të mos i lerë në duar të këqija.

“Mos e lidhni me emrin e Astrit Patozit këtë që po ndodh sot. Ky është një fenomen për të shkundur fenomenin politik në Shqipëri. Ne nuk do e rrëzojmë lisin me një të rënë të sëpatës. Shqipëria ka nevojë që 71 mandate të mos i lerë në duar të këqija. Ne këtë gjë mund ta realizojmë dhe unë jam besimplotë. Unë kthehem nga Shkodra, e nisëm dhe e mbyllëm fushatën aty. Shkodra ka një lloj simbolike si pararendësë e ndryshimeve për mirë të Shqipërisë. Është derdhur gjak shqiptari dje. Dhe unë ja kam shpjeguar që nëse do gërvishtet qoftë njëri prej tyre, kjo të mos jetë kurrë për mandatet e Bindjes Demokratike. Ne jemi për atë që Shqipëria duhet të ndërrojë dorën, këta nuk duhen votuar më”, tha Patozi i cili ftoi qytetarët të votëbesojnë numrin 4.

Kujtojmë se ngjarja e rëndë ku ka mbetur i vrarë Pjerin Xhuvani ndodhi 2 ditë më parë rreth orës 2, në rrugën “5 maji” në qytetin e Elbasanit, nga Arbër Paplekaj, shoqëruesi i kreut të listës së Partisë Demokratike, Gazmend Bardhi vetëm disa ditë para zgjedhjeve parlamentare.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-offi

Zhgënjen Denver, Golden State dhe Lakers fitore play-offi