POP 5

Lajmet më të lexuara të 5 minutave të fundit

Sport

“Wembley” emblematik do të jetë 'në shtetrrethim'! 10 ditë karantinë, Britania u mbyll dyert tifozëve! Gjysmëfinalet e finalja EURO 2020,‘ festë’ vetëm në Mbretërinë e Bashkuar

Festa e futbollit evropian rrezikon të kthehet në festën e futbollit anglez. Për shkak të masave anti-Covid në Britaninë e Madhe nuk mund të udhëtojnë dot tifozët e tre ekipeve të tjera gjysmëfinaliste Italisë, Spanjës e Danimarkës. Karantina 10 ditore i pengon dhe në “Wembley” mund të jenë vetëm rezidentët në Britani. Për ndeshjet finale stadiumi do jetë në kapacitetin 60 mijë tifozë.

Euro 2020 është në fazën finale me tre ndeshje të mbetura që do të shpallin edhe fituesin e trofeut. Në dy ndeshjet gjysmëfinale dhe në finalen e së dielës qeveria e Britanisë së Madhe ka vendosur që në stadiumin “Wembley” të jenë të pranishëm 60 mijë tifozë dhe jo më shumë kjo edhe për shkak të masave anti-Covid. Masat kufizuese në Britani për vendet që nuk janë në listën jeshile të qeverisë e bëjnë të pamundur udhëtimin drejt Londrës për të parë ndeshjet gjysmëfinale dhe finalen e Evropianit të tifozëve të ekipeve të tjera. Kjo do të thotë se festa e futbollit evropian më shumë do jetë festa e futbollit anglez.

Tre rivalet e Anglisë për titullin Italia, Spanja dhe Danimarka nuk janë në listën jeshile të qeverisë britanike që do të thotë që nëse tifozët e këtyre skuadrave udhëtojnë drejt Londrës duhet të bëjnë karantinë 10 ditë dhe detyrimisht e kanë të pamundur të shohin ndeshjen. Një polemikë për këto masa u bë edhe më herët ku rreth 2500 të ftuar VIP dhe staf i UEFA-s për këto ndeshje rrezikonin karantinën dhe më pas qeveria e Boris Johnson u tërhoq duke i lejuar dhe pajisur me një kartë të posaçme.

Edhe gazetarët e kanë këtë kartë por më pas për të hyrë në stadium të duhet edhe një test negativ, ose të jesh vaksinuar me të dyja dozat dhe rekomandohet mbajtja e maskës. Për ndeshjet gjysmëfinale federata angleze ka në dispozicion 9 mijë bileta, ajo daneze 5 mijë dhe federatat italiane e spanjolle nga më shumë se 6 mijë bileta. Por përveç anglezëve për shkak të masave kufizuese ndeshjet gjysmëfinale mund t’i shohin në stadium vetëm italianët, spanjollët dhe danezët rezidentë në Britaninë e Madhe pasi të tjerët nuk udhëtojnë dot. Pra në tre ndeshjet e mbetura do të ketë 60 mijë tifozë në “Wembley” e barabartë me 75% e kapacitetet të stadiumit por do të jenë thuajse të gjithë anglezë. Faktor ky që bën favorite Anglinë e Southgate.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

24 Nëntor, 08:59