Zbritja në fushën e betejës politike nga Argita Berisha ishte krejt e pritshme, e një kronikë totalisht e paralajmëruar.
Deklarata e saj së fundi se do të pranojë çdo rol që do ta shikojë në opozitë, nuk lë vend për dyshim. Megjithatë të bën përshtypje një heshtje politike e mjedisit opozitar për këtë zhvillim.
E vetmja që ka folur është Evi Kokalari, një përkrahëse e flaktë e foltores së Sali Berishës në fillimet e saj, e sot një kritike e saj. Zonja Kokalari nuk ka qenë fare dakord me këtë zhvillim, dhe këtë e ka bërë të ditur me dy qëndrime krejt të qarta.
Por të bën përshtypje mungesa e diskutimit si nga foltoristët e fillimit, ashtu edhe nga këta “të rinjtë”, përkatësisht Gaz Bardhi dhe Agron Gjekmarkaj, gjithashtu, edhe nga mbështetësit mediatikë.
Pse kjo sordinë e tyre për këtë zhvillim që është realisht i rëndësishëm?
Duket se është më shumë se një arsye! Arsyeja e parë, është se e ashtuquajtura përrallë e bashkimit apo diversitetit që po mundohen ta tjerrin si një justifikim të bashkimit me foltoren nuk pi më ujë.
Jo vetëm në publik, por as në mjediset politike brenda Rithemelimit. Tashmë grupi i ndarë me pezm nga Lulzim Basha në korrikun e shkuar, nuk është aspak i bashkuar dhe kanë qëndrime e mendime të ndryshme, që duken edhe publikisht. Por pjesa më e rëndësishme është tek ata që nuk kanë folur.
Lëvizja e tyre nuk ka të bëjë aspak me një manovër “bashkimi”, pasi pak ose aspak kanë marrë me vete mbështetës, apo struktura demokrate.
Lëvizja e tyre brenda Kuvendit ishte “karta fituese” për ta përdorur si një manovër politike. E për ta mbajtur grupin e foltores në Kuvend si protagonistin politik të zhvillimeve. Gjë që ndodhi gjatë “kryengritjeve të molotovëve”, e cila i dha këtij grupimi një marrëveshje krejt të dyshimtë me mazhorancën.
Marrëveshje, e cila edhe sot e kësaj dite përveç të liruarve nga aministia nuk ka sjell ende gjë në dritë.
Megjithatë, problemi më i rëndësishëm që duket ndikon në heshtjen për çështjen “Argita” është pikërisht fakti se ky rast, përveç se shuan justifikimin politik të bashkimit, heq edhe shpresën reale për të qenë faktor politik në zgjedhjet e 2025.
Argita Berisha, sipas të gjitha gjasave do të jetë candidate për deputete në zgjedhjet parlamentare. E nga ana tjetër, ajo do të ketë peshën potenciale të hartimit të listës së kandidatëve për deputetë. Me çdo logjikë, Argita mund të bëjë edhe aleanca momentale, por në vija të trasha, do të zgjedhë një grup besnik pasi hapësira e listës fituese nuk është aspak e madhe.
Foltorja e Sali Berishës, sidomos me afrimin e zgjedhjeve, do të kërkojë faktorë elektoralë, jo zhurmues që nuk kanë mbështetës. Qëndrimi i doktorit kundër aksionit të SPAK kundër grupeve kriminale, ishte një akt politik i qartë që duket do të elaborohet në ditën në vazhdim.
Berishës, alias Argitës, i duhen njerëz në territor, e jo zhurmues që duan të dalin deputetë me betejën e të tjerëve. Ndaj heshtja është mjaft e rëndë, e qartësisht mund të quhet heshtje politike./ Tema
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Po kjo pse u shpall nongrata?
Përgjigju