Zetori përlaset me një automjet në aksin Korçë-Pogradec, plagosen burrë e grua (FOTO)

Zetori i aksidentuar

KORÇË- Një aksident ka ndodhur në aksin nacional Korçë-Pogradec në afërsi të fshtatit Pirg ku një zetor është përplasur me një automjet e për pasojë kanë mbetur të plagosur dy persona, drejtuesi i zetorit M. D., dhe pasagjerja bashkëshortja e tij E. D.

Të plagosurit janë dërguar me ambulancë në spitalin Rajonal të Korçës, ndërkohë që policia ndodhet në vendngjarje për të zbardhur shkaqet e këtij aksidenti.

"Më datë 10.03.2020, rreth orës 10:15, në afërsi të fshatit Pirg, janë përfshirë në një aksident mjeti tip zetor me drejtues shtetasin M. D., dhe pasagjere bashkëshorten e tij shtetasen E. D., banues në Maliq dhe mjeti tip "Ford" me drejtues shtetasin I. M., banues në fshatin Pirg. 

Për pasojë, janë dëmtuar drejtuesi dhe pasagjerja e mjetit zetor, të cilët u transportuan për mjekim në Spitalin e Korçës. 

Grupi hetimor po punon për të zbardhur rrethanat e aksidentit dhe përcaktuar shkaqet e tij", njofton policia.

m.v./b.ha./Shqiptarja.com
  • Sondazhi i ditës:

    Ju duket i drejtë ndëshkimi deri në 15 vite burg për ata që thyejnë karantinën?

Komento