Tregu ushqimor i Kombinatit sot duket më pak i populluar se në ditët e tjera pavarësisht se pritej ndryshe. Kjo për shkak se vinim nga izolimi i së dielës ku nuk lejohej asnjë lloj aktviteti.
Gjithsesi situata është krejt më normale, nga një vëzhgim që Report Tv bëri në këtë treg. Sigurisht që kjo mund të ketë ardhur edhe për shkak të zgjatjes së orarit të kufizimit që ka hyrë në fuqi nga dita e sotme. Tregjet ashtu si farmacitë do të qëndrojnë të hapura deri në orën 17:30.
Tregu i Kombinatit sakaq është kthyer në shembull përsa i përket masave të mbrojtjes nga COVID-19. Prej ditësh janë marrë masa shtesë si qëndrimi në distancë ndërmjet personave, dezinfektimi në hyrje dhe dalje dhe qëndrimi në radhë.
Situata në tregun Vasil Shanto ka shfaqur një pamje të qetë dhe në respektim të masave të distancimit social. Ndoshta kjo është efekt i zgjatjes së fashës së orarit ku qytetarët nuk dynden për të bërë pazare por dhe ndërgjegjësimit për të ruajtur shëndetin.
Për tregtarët mbyllja e fundjavës nuk është shumë e preferueshme pasi sjell një dyndje të madhe të qytetarëve për t'u furnizuar duke u ndjerë të kërcënuar.
Tregtarët shprehen se në këtë periudhë kanë pasur më shumë fitim pasi ka pasur shitje ndërsa çmimet janë të larta ku brokoli është më i shtrenjti, ndërsa limoni ka pësuar ulje.
"Problem pati limoni por kur u tërhoq solli një ulje të çmimit nga 300 në 250 lekë apo brokoli nga 400 të shtunën, sot po shitet me 300", shprehen tregtarët
Në qytetin e Fierit policia vijon kontrolleve të mjeteve dhe qytetarëve nëse zotërojnë lejen për të qarkulluar në fashën e orarit dhe respektimin e masave të vendosura nga qeveria. Gjatë këtyre kontrolleve deri në orën 12 janë vendosur 30 gjoba për qytetarë e mjete, që qarkullojnë pa autorizimin përkatës.
Policia ka vendosur postblloqe në çdo vend për kontrollimin e mjeteve që qarkullojnë nëse kanë autorizimin për të lëvizur si dhe efektivë policie kontrollojnë qytetarët në rrugë duke u kërkuar lejen e daljes për pazare dhe duke i këshilluar që të qëndrojë në shtëpi.
Dita e hënë ka nisur me oraret e reja të lëvizjes nga ora 05:00 deri në orën 17:30. Prania në rrugë e qytetarëve të Lushnjes dhe mjeteve që lëvizin në rrugë janë të konsiderueshme, por ajo që vihet re është respektimi i distancës mes njëri-tjetrit. Lëvizjet janë që nga personat dhe makinat që shkojnë në punë deri tek ata qytetarët, të cilët kanë një autorizim nga policia e shtetit për të kryer pazaret e shtëpisë.
Kamera e Report TV ka bërë një inspektim në rrugët e Lushnjes ku vihet re se njerëzit presin në radhë dhe në distancë në furrat e bukës, farmaci dhe marketet për të bërë pazaret.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
cfare behet atje se di une po ketej nga une eshte si dite feste jane derdhur rtugeve .w grupe. na rrofte 1 muaj brenda
Përgjigju