POP 5

Lajmet më të lexuara të 5 minutave të fundit

Opinion

'Zgjedhjet 2021', veç së tjerash!

Qëlluan në shënjë, nuk u gabuan, nuk u intimiduan, nuk u frikësuan dhe nuk u shitën. Pati një ringjizje të memories dhe të ndjenjës kombëtare, të kthjelltësisë qytetare dhe pa mëdyshje e dhanë verdiktin: Me Europën, Me SHBA dhe jo me shpejtësi konstante por me nxitim në rritje.

'Zgjedhjet 2021', veç së tjerash!

Foto ilustruese

Zgjedhjet parlamentare 2021 morën madhështinë dhe ngjyrimin e një Refendumi të pa shpallur dhe si i tillë u mbyll. Kjo jo se këtë e thanë disa liderë, parë nga këndvështrimi i interesave të ngushta, por se koha shtroi përpara shqiptarëve detyrën historike: nga, me kë dhe me çfarë shpejtësie do të rrugëtojë Shqipëria?! Pra më shumë se çështje pushteti ishte zgjedhja e kahut dhe shpejtësia e lëvizjes. Si edhe herë të tjera shqiptarët u treguan të qartë, inteligjentë, largpamës, të guximshëm dhe të vendosur; nxorën në pah vlerat më të mira e më fisnike që mund të manifestojë një popull. U ngritën në lartësinë që iu kërkoi koha, e adrdhmia e Shqipërisë dhe shqiptarëve.

Qëlluan në shënjë, nuk u gabuan, nuk u intimiduan, nuk u frikësuan dhe nuk u shitën. Pati një ringjizje të memories dhe të ndjenjës kombëtare, të kthjelltësisë qytetare dhe pa mëdyshje e dhanë verdiktin: Me Europën, Me SHBA dhe jo me shpejtësi konstante por me nxitim në rritje. Pa mëdyshje krah për krah me këta aleatë strategjikë, sot e përgjithmonë: ashtu siç kanë ëndërruar gjithnjë, atje ku kanë qenë shqiptarët që kur u lindën, ashtu siç është amaneti që na vjen nga të parët tanë prej thellësisë së shekujve. Të fitojmë jo vetëm kohën e humbur por edhe të afirmohemi si europianë të vjetër sa dhe rrenjët e Europës.

Shqiptarët e sotëm e dhanë verdiktin, e vunë vulën dhe askush nuk do të guxojë të shkelij mbi këtë vendim historik. E di se kjo nuk është çështje e të majtës apo të djathtës, as çështje e pozitës apo opozitës dhe qëndron mbi ndasitë politike. Por vëllezërit shqiptarë duhet ta kuptojnë njeri tjetrin. Liderët e disa partive në këto zgjedhje, si edhe herë të tjera qysh prej viti 1996, manifestuan mëri, pakënaqësi dhe neveri ndaj aleatëve strategjikë, ushtruan karshillëk të përsëritur me forma e rrugë të ndryshme deri në presion institucional.

Shpresojmë që të kemi nxjerrë një mësim historik. Të konkurojmë mes njeri tjetrit por të mos luajmë bixhoz me fatet e vëndit. Ka gjëra për të cilat duhet të mendojmë e të punojmë të gjithë njësoj. Për këto gjëra të shenjta të parët tanë kanë sakrifkiuar pasurinë, vehten dhe familjen. Toka shqiptare është e mbrujtur me gjak heronjsh e dëshmorësh qysh se është krijuar. Mjafton të kujtojmë epopenë e Familjes Jashari-Emblemë e Shqiptarisë. Apo vargjet e këngëve popullore: “Avdul shite pasurinë, një barrë flori. Vajte tek Bismarku brenda, ndënje në ksami!...”; “Nga kjo baltë e kësaj toke, merr një grusht e shtrydhe fort, pika gjaku do kullojë!...” etj... Këte radhë duket se e kaluam stekën, shkurt u çimentuam në anën e duhur. Të qëndrojmë fort. Urime! Rroftë Shqipëria!

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

VIDEO/ Armando Broja luan 20 minuta, Everton ndal Cityn 1-1 në Manchester! Haaland shpërdoron penalltinë në 'Boxing Day'

VIDEO/ Armando Broja luan 20 minuta, Everton ndal Cityn 1-1 në Manchester! Haaland shpërdoron penalltinë në 'Boxing Day'

26 Dhjetor, 15:26