Zgjedhjet e PD-së në Elbasan/ Bylykbashi tërhiqet nga gara, fiton Eugen Isaj

Moment nga procesi zgjedhor i Partisë Demokratike, për zgjedhjen e kreut të degës së saj në Elbasan

Procesi zgjedhor i Partisë Demokratike për kreun e degës së Elbasanit është përmbyllur me fitoren e Eugen Isaj.

Eugen Isaj mori 378 vota, ndërsa Zamir Muzhaqi, rivali i Isajt në këtë garë, mori 88 vota. Report Tv raporton se dy djemtë e rinj në moshë, të cilët garonin për postin e kryetarit të degës, njihen si pjesëmarrës të hershëm në strukturat e Partisë Demokratike.

Sa i takon kryetarit të deri më tanishëm, Aurel Bylykbashi, ai vendosi të tërhiqej nga gara. Bylykbashi, gjatë paraqitjes së platformave të kandidatëve, mësohet se gjatë fjalës së tij është ndërprerë nga një prej anëtarëve të kësaj force, i cili i është drejtuar nga salla duke i thënë: “Fol për herë të fundit nga ajo foltore, se nuk do flasësh më”.

Eugen Isai kryetari i zgjedhur i PD-së në Elbasan

a.s./Shqiptarja.com
Komento