POP 5

Lajmet më të lexuara të 5 minutave të fundit

Politikë

Zgjedhjet në FSHF/ Fino apel KPK-së: Gjyqtarëve që s’kalojnë Vettingun t’u rishikohen vendimet

Deputeti socialist, Bashkim Fino ka kërkuar që gjyqtarëve që s’kalojnë Vettingun, t’u rishihen vendimet që kanë marrë gjatë detyrës së tyre. Për këtë, Fino ka marrë si shembull rastin e garës së tij në FSHF.

Deputeti socialist, Bashkim Fino ka kërkuar që gjyqtarëve që s’kalojnë Vettingun, t’u rishihen vendimet që kanë marrë gjatë detyrës së tyre.

Në një status të gjatë në Facebook, Fino ka marrë si shembull rastin e garës së zgjedhjeve në FSHF. Fino i ka bërë apel Komisionit të Pavarur të Kualifikimit të shohin  me detaje lëvizjet e pasurisë së dy gjyqtarëve, Marjana Dedi dhe Enkelejd Hajri.

Prej ditës së djeshme kur Prokuroria e Krimeve të Rënda vendosi sekuestron mbi disa prona të ish-kryeprokurorit Adriatik Llalla, një debat publik ka nisur lidhur me faktin, se a duhet të rishikohen çështjet e gjykuara nga gjyqtarë dhe prokurorë të korruptuar që nuk kalojnë Vettingun.

Statusi i plotë i Bashkim Finos:

Si një ligjvënës dhe si një anëtar i Komisionit të Ligjeve kam konstatuar më shumë se kurrë situatën e mjerë që po kalon Gjyqësori në Shqipëri. Kam qenë dëshmitar dhe viktimë e individëve “kamikazë” në Gjyqësor, për arsye që do i sqaroj më poshtë; 
 

Theksova statusin tim si ligjvënës dhe anëtar i Komisionit të Ligjeve, për të treguar nivelin e abuzimit që mund t’u shkaktohen edhe qytetarëve të thjeshtë nga individë pa profesionalizmin apo integritetin më minimal.
Asambleja Zgjedhore e FSHF, e zhvilluar më 7 shkurt, prej gati 5 muajsh, nuk është regjistruar në Gjykatë.
Si fillim, ka qenë gjyqtarja Marinela Osmani Nuni që nuk e regjistroi Asamblenë, duke u kërkuar juristëve të FSHF që të konfirmojnë se votuesit kanë qenë të ligjshëm. FSHF nuk e apeloi vendimin e Gjyqtares, edhe pse kishte 5 ditë afat.
Gati 1 muaj më vonë, kërkojnë sërish në Gjykatën e Shkallës të Parë që të bëjnë regjistrimin e vendimit dhe në mënyrë të çuditshme për çdo person me njohuri sado minimale juridike, ata kërkojnë përjashtimin e Gjyqtares Marinela Osmani nga gjykimi, me argumentimin se ishte e njëanshme.
Së pari, kam dyshimet të forta dhe të arsyeshme se ka pasur manipulim të shortit, ku kërkesa i ka kaluar Gjyqtares Manjola Bejleri, e cila vendosi duke thënë se: “Pranonte përjashtimin e gjyqtares Marinela Nuni, EDHE PSE NUK KONSTATONTE NJËANSHMËRI NË VENDIM”.

Që prej kësaj kohe, Kryetarja e Gjykatës, Enkeledi Hajro, një militante e PD dhe ish-shefe kabineti e Flamur Nokës kur ishte Ministër, është vënë në kërkim të një gjyqtari që të merrte guximin “kamikaz” për të bërë regjistrimin e Zgjedhjeve.

Shorti i bie që çështjen ta gjykojë gjyqtari Julian Haxhiu. Ky i fundit, vendos të japë dorëheqjen pak kohë më pas.
Më pas, shorti i radhës i bie gjyqtares Marjana Dedi. Këtu fillon edhe finalizimi i skandalit.
Kjo gjyqtare, e ka mbajtur çështjen në dorë për gati 1 muaj, duke u munduar të gjejë një rrugëzgjidhje për ta regjistruar. Në mënyrë totalisht të padrejtë dhe abuzive, madje skandaloze juridikisht vendos: “Regjistrimin e Asamblesë”. Por, autogoli më i madh dhe ajo që e shton amatorizmin e kësaj gjyqtare, skandalin dhe “kamikazllikun” është fakti se ajo konstaton që:
“- Disa prej klubeve futbollistike nuk rezultojnë fare të regjistruara, as në Gjykatë dhe as në formë tjetër Juridike”.
“- Disa prej Shoqatave që kanë votuar, nuk kanë qenë të regjistruara dhe nuk kanë pasur status juridik kur kanë votuar. Madje, konstaton se ka pasur Shoqata që janë regjistruar në Gjykatë edhe më datë 06 qershor 2018, pra 4 muaj pas Zgjedhjeve”.
Pasi i konstaton të gjitha ilegalitetet, të cilat nuk i fshihte dot, vendos gjithsesi që ta regjistrojë Asamblenë.
Ky reagim, vlen për të denoncuar abuzimin skandaloz, që bëhet nëpërmjet padrejtësive, prej mantelit të gjyqtarit që mbajnë veshur.
Fatmirësisht, kjo është një çështje juridike që do zgjidhet brenda një afati shumë të shpejtë.
Por, unë nuk do lejoj që persona të papërgjegjshëm të ndihen të sigurt në pozicionin e tyre të punës, edhe kur abuzojnë me të.
I kam bërë shkresë zyrtare, por edhe thirrje publike Komisioneve të Vetingut që të bëjë një hetim të hollësishëm profesional dhe pasuror mbi Kryetaren e Gjykatës, Enkeledi Hajri dhe gjyqtarën e shkallës së Parë, Marjana Dedi.


Fatmirësisht, të gjithë po kalojnë në “lupë” serioze mbi integritetin dhe kushdo që abuzon, do ketë fundin që meriton.
Nga ana tjetër, theksoj që kam dyshime shumë të forta, për manipulime të rënda me shortin në Gjykatën e Tiranës. I kam bërë kërkesë Kryetares së Gjykatës, për informacion me specifikime teknike sa i përket shortit dhe mora një përgjigje totalisht evazive dhe pa përgjigje.
Për këtë, do kërkoj një hetim penal, pasi dyshoj se kemi të bëjmë me një shkelje të rëndë.
Mësova në mënyrë direkte nivelin e abuzimeve, për të cilat do i shkoj deri në fund, si për Drejtësinë, që do vendoset shumë shpejt, ashtu edhe për evidentimin e atyre që abuzojnë në mënyrë skandaloze me pozicionin e tyre të punës.
Githashtu, çështja po shqyrtohet edhe në KAS-in e Lozanës.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ops: 24/07/2018 13:50

    Po mo fino kush del kunder partis tw hiqet , dhe ja ku jemj akoma ne kohen e qemotit e nenes tende parti

    Përgjigju
    • Xhike: 24/07/2018 14:19

      Po pse i mbroni gjyqtaret o te mjere?? Po tu biesh ne dore te rrjepin Nena Pd qe i polli duhet sterilizuar

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e Torinos, italiani numri 1 në botë

Tenis/ Sinner mposht Fritz dhe triumfon në finalet e Torinos, italiani numri 1 në botë

18 Nëntor, 10:08