Zgjedhjet e së dielës në Himarë do t’i japin fund krizës së legjitimitetit të Bashkisë, e cila prej një viti ka pasur një kryetar të zgjedhur në burg dhe disa të tjerë në detyrë që zëvendësonin njëri- tjetrin, dhe mbi të gjitha i japin fund dhe krizës artificiale mes Greqisë dhe Shqipërisë.
Por ato nuk do ta mbyllin përpjekjen për të mbajtur gjallë një “problem himarjot” në raportet mes Shqipërisë dhe Greqisë.
Ajo që do të ndryshojë pas së dielës, është se tani e tutje, kauzën e “Himarës greke” nuk do ta ndeshim në zyrat e Bashkisë, ku të përdoret si mekanizëm bllokues, por në nivel politik, nga krahu nacionalist i pakicës greke, mbështetur kryesisht nga organizata të nacionalistëve grekë jashtë Shqipërisë dhe Agimit të Artë.
Dhe natyrisht kjo kauzë ka tani dhe përfaqësuesin e saj Fredi Beleri. Si deputet grek i zgjedhur në Parlamentin Evropian, ai do të përpiqet ta mbajë gjallë këtë problem në nivel politik, duke u përballur me Shqipërinë në Bruksel.
Por kjo është një lehtësi dhe për Shqipërinë, pasi Beleri nuk përfaqëson Himarën në Bruksel, por Athinën, dhe çdo përballje do të jetë një përballje mes Athinës dhe Tiranës me gjuhën e një nacionalizmi të vjetër grek.
Shqipëria e ka më të lehtë dhe më në favor të saj të bëjë betejë me një përfaqësues të Agimit të Artë në Bruksel, në emër të Greqisë, pasi e ka më të lehët të jetë në anën e standardeve evropiane përballë një grupimi politik që vetë Greqia i ka fshirë nga politika e saj dhe i përdor vetëm për probleme me fqinjët.
Kështu që zgjedhjet e së dielës do t’i relaksojnë raportet mes dy vendeve dhe Beleri do të jetë thjeshtë një valvulë shkarkuese sa herë të ketë tensione mes dy vendeve, duke u përdor si shkaktar.
Tani e tutje është më e lehtë për të dy palët, edhe të bëjnë sikur grinden, edhe të bëjnë sikur pajtohen, pasi problemet reale të Himarës nuk janë problemet e Belerit dhe raportet shqiptaro- greke, nuk ndjekin gjurmët e Belerit. Përveç rasteve kur duan të bëjnë luftë dhe ai u duhet si “kokë turku". /Tema/
Lajme të tjera
-
Fitoi Himarën më 4 gusht! Vangjel Tavo betohet dhe merr detyrën si kryetar bashkie më 30 Shtator
23 Shtator, 11:48 -
Pas KQZ, Gjykata e Vlorës i jep Vangjel Tavos mandatin si kryetar i Bashkisë Himarë
19 Shtator, 11:07 -
Dy javë pas lirimit nga qelia, ish-kryebashkiaku i Himarës Fredi Beleri kërkon pafajësinë në Gjykatën e Lartë
16 Shtator, 10:35
-
Eduard Zaloshnja: Himara, kyçi i mandatit të 9-të socialist në qarkun Vlorë
12 Shtator, 14:54
-
I hapet rruga betimit të Vangjel Tavos, nesër KQZ i jep mandatin si kryebashkiak i Himarës
11 Shtator, 10:16 -
Zgjedhjet në Himarë/ Kolegji Zgjedhor rrëzon koalicionin ‘Bashkë Fitojmë’, i hapet rruga betimit të Vangjel Tavos si kryebashkiak
9 Shtator, 17:22 -
KAS rrëzon dyshen Meta-Berisha: S’ka shkelje në Himarë! ‘BF’ kërkoi zgjedhje të pavlefshme, KQZ: Vangjel Tavo fitues
26 Gusht, 12:08
-
Zgjedhjet në Himarë, KAS vendos hapjen e kutive! Opozita kërkon ‘prova’: 560 zgjedhës s’votuan për shkak të ID të skaduar
22 Gusht, 12:37
-
'Himara' në KAS, Opozita kërkon pavlefshmërinë e zgjedhjeve të 4 gushtit: Hapni kutitë e materialeve zgjedhore, ka prova për shkelje
21 Gusht, 12:33 -
Skënder Minxhozi: Berisha në shtëpi, Gjikuria në Amerikë, opozita në Himarë (për plazh)!
20 Gusht, 07:15
-
Koalicioni 'Bashkë Fitojmë' kërkon shpalljen e pavlefshme të zgjedhjeve në Himarë, KQZ shqyrton më 21 gusht ankimimin e opozitës
18 Gusht, 11:46 -
Eduard Zaloshnja: Votat e emigrantëve, shpresa e fundit e opozitës?
10 Gusht, 17:19
