POP 5

Lajmet më të lexuara të 5 minutave të fundit

Sociale

Zonat e Mbrojtura, deputetët e PS kërkojnë ndryshime në ligj: T’i hapet rrugë investimeve! PD: Do t’i shkatërrojë

Një grup prej 12 deputetësh të Partisë Socialiste kërkojnë ndryshimin e ligjit “për zonat e mbrojtura”, me qëllim hapjen e rrugës në to për investime. Drafti sipas propozuesve rregullon kompetencat mes administratës së zonave të mbrojtura dhe bashkive si dhe shmang mbivendosjet. Deputeti i opozitës Arbi Agalliu tha se ndryshimet do të ndikojnë negativisht në ekosistemin e zonave të mbrojtura. 

Deputetët e mazhorancës mbrojtën draftin e ndryshimeve në ligjin “Për zonat e mbrojtura”, i cili sipas tyre do të eleminojë pengesat e krijuara në terren zhvillimin e projekteve zhvillimore. 

Sipas propozuesve ndryshimet i hapin rrugë investimeve që do të ndikojnë në zhvillimin ekonomik të këtyre zonave. 

Nisma ka sjellë reagimin e opozitës, ku deputeti i Partisë Demokratike, Arbi Agalliu thotë se ndryshimet ligjore do të ndikojnë negativisht në ekosistemin e zonave të mbrojtura.  

“Me këto ndryshime ligjore i hapet rrugë prishjes dhe shkatërrimit të zonave të mbrojtura bregdetare dhe ligatinore të Shqipërisë, duke prekur Liqenin e Shkodrës, ekosistemin Bunë-Velipojë, ligatinat Kune-Vain, Tale dhe Patok, Parqet Kombëtare të Divjakë-Karavastasë dhe të Butrintit, si dhe zonat Vjosë-Nartë e Pishë-Poro”,- ka deklaruar Agalliu.

Drafti kërkon ndryshime edhe për “Parqet Kombëtare”, si zonat me kategorinë më të lartë të mbrojtjes, duke parashikuar të bëhen përjashtime në ato raste kur Këshilli Kombëtar i Territorit, ministria përgjegjëse apo bashkitë mendojnë se investimi është me rëndësisë kombëtare. 

Sipas relacionit shoqërues, projektligji ka si qëllim rregullimin e problematikave që kanë lindur si pasojë e zbatimit te ligjit aktual në terren por edhe rregullimin e mardhënies mes pushtetit lokal dhe administratës së zonave të mbrojtura duke shmangur mbivendosjet dhe ngërçin që ligji në fuqi ka krijuar mes zonave me përparësi zhvillimi dhe zonave të mbrojtura.

(Kliko këtu për të parë dokumentin e plotë)

K.M/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tefiku: 25/11/2023 15:42

    Te pangopur jane. I leshon zagaret Rama duke ju thene vidhni po po ju kapen dilini per zot vehtes.Me ate teori qe pergjegjesia eshte personale ruan vehten se ata hajdutet i zgjodha une ne ato poste

    Përgjigju
  • halla esma: 25/11/2023 06:33

    skeni pune ne zonat e mbrojtura mor shkerdhata ..mor kopila..

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43