Diego Longo do jetë trajneri i Teutës për sezonin e ri. Presidenti Edmond Hasanbelliu ka vendosur t'ia besojë stolin italianit Longo, që ka qenë më herët trajner i Kukësit në elitë. Pas aventurës disa mujore me Flamurtarin, aty ku nuk ia doli të ngjisë vlonjatët në elitë, Longo tanimë do jetë pjesë e Teutës.

"KF Teuta zyrtarizon arritjen e marrëveshjes me trajnerin Diego Longo. Trajneri i ri i skuadrës sonë aventurën e tij të fundit e kishte në Vlorë, ku drejtonte klubin e Flamurtarit. KF Teuta i dëshiron mirëseardhje trajnerit të ri në skuadër, duke i uruar suksese dhe arritjen e qëllimeve të vendosura së bashku me skuadrën tonë", konfirmon Teuta.

Italiani është njohës i mirë i kampionatit tonë, teksa drejtoi Kukësin për 40 ndeshje në sezonin 2021-22, duke siguruar 1.55 pikë për ndeshje. Te Flamurtari, në gjashtë duele ai siguroi tre fitore, dy barazime dhe një humbje, duke u eliminuar në play-off e Superligës. Më herët ai ka qenë ndihmës trajner te Rapidi i Bukureshtit, PAOK, Al-Hilal apo edhe Dynamo Kiev. Vlen të përmendet se aventura e tij si trajner i parë i një ekipi, ishte te Kukësi në Superligë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera