PRISHTINË - Federata e Futbollit të Kosovës (FFK) ka bërë me dije se ka bërë një ankesë zyrtare në CAS (Gjykata e Arbitrazhit Sportiv në Lozanë) në lidhje me zhvillimet dhe racizimin në ndeshjen e Ligës së Kombeve kundër Rumanisë, të cilën UEFA ia dha fitore 3-0 në tavolinë rumunëve.
Në Bukuresht, më 15 nëntor përfaqësuesja e Kosovës në futboll braktisi sfidën e Ligës së Kombeve për shkak se ultrasit vendas nisën të këndonin në kor këngë antishqiptare dhe raciste.
Kapiteni Amir Rrahmani dhe lojtarë të tjerë njoftuan arbitrin për këto skena, me vërejtjet që nuk u morën parasysh. Të ndodhur në këto kushte, kapiteni vendosi së bashku me ekipin që të braktisnin lojën dhe të dilnin nga fusha, për mos u kthyer më edhe pse ndeshja ishte në shtesë dhe për pak minuta mbyllej 0-0.
Një veprim ky që lojtarët e Kosovës e bënë për të dhënë një shembull se nuk pranojnë të ofendohen më në arenat evropiane, diçka e përsëritur kjo në dëm të shqiptarëve.
Pak ditë pas ngjarjes UEFA i dha tri pikë Rumanisë dhe fitoren 3-0, ndërsa FFK ka bërë një ankesë në CAS e Lozanës dhe kërkojnë që nëpërmjet provave dhe fakteve të vendoset në vend e drejta.
Kujtojmë se Rumania u dënua nga UEFA me 128 mijë euro gjobë për sjelljen e tifozëve, andaj Kosova e ka këtë argument për ankesë, kjo pasi organi i futbollit evropian e ka pranuar sjellen e gabuar dhe racizmin.
Njoftimi i FFK-së:
“Federata e Futbollit e Kosovës njofton opionionin publik se në afatin e përcaktuar kohor, ka proceduar në CAS (Court of Arbitration of Sport) ankesën ndaj vendimit të UEFA-s në lidhje me ndeshjen Rumani- Kosovë, të datës 15.11.2024. FFK-ja, përveç angazhimit të ekipit të vet ligjor, është në konsultim edhe me disa studio ligjore me përvojë të madhe me lëndët në CAS, kryesish nga Zvicra dhe Gjermania, për t’ u përfaqësuar në mënyrën e vet më të mirë në këtë betejë ligjore në kërkim të së drejtës për Federatën dhe ekipin tonë Kombëtar. Federata e Futbollit e Kosovës shpreh besimin e saj të plotë që CAS do të marrë vendim të drejtë e meritor”, shkruhet në njoftim.
Lajme të tjera
-
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Detajet nga mbledhja e Kuvendeve Shqipëri-Kosovë më 20 dhjetor, në fokus koordinimi i agjendës kombëtare
16 Dhjetor, 10:46 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
Mbledhja e përbashkët e kuvendeve të Kosovës dhe Shqipërisë, Report Tv zbardh axhendën
14 Dhjetor, 16:08 -
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Tentuan të djegin flamurin shqiptar, UEFA gjobit Serbinë me 200 mijë € dhe e dënon me 2 ndeshja pa tifozë në transfertë
13 Dhjetor, 17:32 -
Bashkorganizimi i Euro 27 mes Shqipërisë dhe Serbisë, UEFA mblidhet të hënën për 'dritën jeshile'
13 Dhjetor, 16:04 -
E PLOTË/ Short 'ferri' për kualifikueset e Kupës së Botës 2026, Shqipëria me Anglinë dhe Serbinë në Grupin K! Kosova në Grupin B me Zvicrën, të gjitha grupet
13 Dhjetor, 12:00 -
Nesër shorti, Kombëtarja njeh kundërshtarët e kualifikueseve për Kupën e Botës 2026! Rrezikohet grupi me Serbinë
12 Dhjetor, 10:41 -
Tifozët fusin në telashe FSHF-në, UEFA gjobë 27.750 euro
12 Dhjetor, 09:24
