Gjykata e Durrësit ka lënë në qeli 2 nga efektivët e grupit të shoqërimit të Altin Ndocit, ndërsa ka caktuar masën detyrim paraqitjeje për 3 të tjerët të cilët u larguan nga spitali për të shoqëruar të burgosurin tjetër pasi mori mjekim. Në burg u la edhe ish-zv.shefi i Policisë së Burgut, i cili nuk ishte pjesë e grupit të shoqërimit, por dërgoi Aranit Çelën. Arrest shtëpie kryeinfermierit dhe polices së burgut që nuk njoftoi sallat operative për shoqërimin.

Që skenat e përmbytjeve të mos jenë si të këtij janari, qeveria dhe bashkitë do të punojnë për të luftuar mbetjet plastike, si dhe duke blerë makineri për pastrimin e kanaleve. Kryeministri Rama takoi kryetarët e bashkive, të cilëve ju tha se nuk do t’i rikandidonte, nëse nuk do të arrinin objektivat për thithjen e investimeve me Paketën e Maleve.

Deklarata e pavërtetë e Burgjeve se i burgosuri kishte marrë trajtim mjekësor në spital dhe urgjenca e pashpjegueshme për ta nxjerrë nga burgu i Durrësit. Shkon në 10 numri i zyrtarëve të arrestuar për ngjarjen.

Pas raundit të 19-të Superliga shqiptare e futbollit kryesohet nga Egnatia me 37 pikë, tre më shumë se ndjekësit e AF Elbasanit.

Domeniko Ceni ka vjedhur 3 herë, gjatë periudhës dhjetor 2025-janar 2026, shuma parash, bizhuteri dhe pajisje të ndryshme, në banesën e një shtetaseje italiane, në Fermë Sukth. 29-vjeçarit iu gjetën një pistoletë sportive që e mbante pa leje, si dhe një maskë dhe një palë doreza të cilat dyshohet se i përdorte për të kryer vjedhjet.

Një 18-vjeçare humbi jetën në një aksident tragjik te Ura e Dajlanit në Durrës, ndërsa shoferi 26-vjeçar po merr mjekim në spital. Ai ka qenë me shpejtësi 130/km në orë dhe i dehur në masën 0.5 mg/l. I riu nga Fieri dyshohet se ka ngatërruar korsinë e lëvizjes, duke marrë rrugën e portit në vend të asaj të plazhit. Policia e ka arrestuar 26-vjeçarin në flagrancë.

Juristi Kreshnik Spahiu ka komentuar edhe vendimin e SHBA për pezullimin e vizave të emigrantëve për 75 vende, ku mes tyre është edhe Shqipëria e Kosova.

Avokati Besart Logu ngriti shqetësimin e pagave të ulëta që kanë punonjësit e policisë së burgjeve, gjë e cila sipas tij sjell që këta punonjës të jenë lehtësisht më të korruptueshëm nga të burgosurit për t'u arratisur.

Në një lidhje skype për emisionin ‘Frontline’ në Report Tv, Spahiu tha se çdo orë që kalon pa u arrestuar Altin Ndoçi, ulet ndjeshëm edhe mundësinë e kapjes së tij. Ai theksoi se arratisja ishte e mirëorganizuar.

Duraj tha se të burgosurit që kanë kryer vepra të rënda nuk duhet që të qëndrojnë në të njëjtin burg me ata që kanë më pak rrezikshmëri. Ai theksoi se në burgje ka edhe të dënuar që favorizohen.

Lefter Maliqi deklaroi se nuk u respektua protokolli i sigurisë dhe se për transportimin e Ndocit në spital duhej njoftuar Policia e Shtetit dhe forcat e DAP. Sipas Maliqit, SPAK duhet të hetojë për këtë çështje.

Deputetja e Partisë së Lirisë, Erisa Xhixho, tha të enjten se banorët e prekur nga përmbytjet e fundit janë lënë pa ndihmë reale nga shteti. Sipas saj, qeveria ka shmangur shpalljen e gjendjes së jashtëzakonshme për të mos u dhënë dëmshpërblim të plotë ndërkohë që vetë jeton në luks.