Në tre muajt e fundit Altin Ndoci pati një frekuencë të shtuar të vizitave të tij në Spitalin e Durrësit, prej nga ai do të arratisej më 13 Janar. Sipas hetimeve të prokurorisë ka dyshime se ato kanë qenë fiktive, ndërsa shpesh të burgosur të pasur paguajnë që t’u mundësohen takime speciale edhe në ambientet spitalore.

Gjykata e Durrësit ka lënë në fuqi masën arrest me burg për ish-drejtorin e Burgut të Durrësit, Indrit Cerloj, i arrestuar pas arratisjes së Altin Ndocit. Në arrest shtëpie u la edhe mjekja që nuk e vizitoi në qeli, por firmosi rekomandimin duke u bazuar vetëm tek fjalët e kryeinfermierit Aulon Çuko se ai kishte dhimbje të veshkave.

Edmond Llabani ndodhet i shtuar në Qendrën Spitalore Universitare “Nëne Tereza”, ku mësohet se i është nënshtruar edhe një ndërhyrje kirurgjikale.

I riu e kishte futur armën në sediljen e motorit e më pas iu sekuestrua nga policia pas ndalimit për kontroll në zonën e njohur si shëtitorja e plazhit. Ai shtë vëllai i ish-kreut të Forumit të PD në Kavajë, i cili është autor i një plagosje me armë zjarri.

Nga veprimet hetimore të kryera rezultoi se këto shtetase të huaja kishin marrë me qira dy apartamente, në zonën e Vollgës, lagjja nr. 1, dhe në zonën e Plazhit, lagjja nr. 13, Durrës, të cilat i kishin përshtatur për ushtrimin e prostitucionit.

Kryeministri Edi Rama zhvilloi sot në Durrës një takim me kryetarët e bashkive të vendit, ku u diskutuan sfidat kryesore me të cilat do të përballen bashkitë gjatë vitit. Krahas takimit, kreu i qeverisë pati dhe inspektime në disa projekte që po kryhen në qytetin bregdetar.

Kryeministri Edi Rama u ka vënë kusht kryebashkiakëve socialistë se një mundësi rikandidimi për të drejtuar sërish bashkitë në zgjedhjet vendore të 2027-ës do të varet nga plotësimi i targetit: 1 mijë investime përmes Paketës së Maleve. 

Gjykata e Durrësit ka lënë në qeli 2 nga efektivët e grupit të shoqërimit të Altin Ndocit, ndërsa ka caktuar masën detyrim paraqitjeje për 3 të tjerët të cilët u larguan nga spitali për të shoqëruar të burgosurin tjetër pasi mori mjekim. Në burg u la edhe ish-zv.shefi i Policisë së Burgut, i cili nuk ishte pjesë e grupit të shoqërimit, por dërgoi Aranit Çelën. Arrest shtëpie kryeinfermierit dhe polices së burgut që nuk njoftoi sallat operative për shoqërimin.

Që skenat e përmbytjeve të mos jenë si të këtij janari, qeveria dhe bashkitë do të punojnë për të luftuar mbetjet plastike, si dhe duke blerë makineri për pastrimin e kanaleve. Kryeministri Rama takoi kryetarët e bashkive, të cilëve ju tha se nuk do t’i rikandidonte, nëse nuk do të arrinin objektivat për thithjen e investimeve me Paketën e Maleve.