Pas rreth tre orësh kërkime është bërë e mundur gjetja e turisti meksikan i cili kishte mbetur i bllokuar në majën e malit Çika në Vlorë. Në operacionin e kërkim-shpëtimit të 30-vjeçarit morën pjesë forcat e FNSH dhe Policia e Himarës.

Në Dukat të Vlorës minutat e fundit raportojnë se ka një përkeqësim të ndjeshëm të situatës. Të ndikuara nga era e fortë në zonën Dukatit flakët kanë marrë përmasa të frikshme. Një vatër e rrezikshme paraqitet ajo në fshatin Thirrë, në bashkinë Mirditë, ku zjarri ka përparuar dhe mund të ketë edhe ndërhyrje nga ajri. 

Zjarrfikësi hero, Luan Kapaj, i cili rrezikoi jetën teksa po shpëtonte nga rrënojat e tërmetit të 26-nëntorit disa qytetarë dhe u dekorua edhe nga kryeministri Edi Rama për kontributin e tij, prej javësh po 'lufton' me flakët në zonë e Dukatit dhe Karaburunit në Vlorë në kushte të vështira. Në një intervistë për Report Tv, zjarrfikësi Kapaj shprehet se atij dhe kolegëve të tij nuk u mungon as guximi dhe as përvoja për të luftuar me flakët, por mjetet mbrojtëse duke vijuar që nga veshja, kokorja, maska që të mund të sigurojnë jetën e tyre fillimisht dhe më pas të ndërhyjnë sa më shumë në zonën e rrezikut.

Një ditë më parë e mohoi, ndërsa sot, kreu i Bashkisë së Vlorës, Dritan Leli ka konfirmuar lajmi e 'Report Tv, duke pranuar se zjarrfikësit në Vlorë, prej dy muajsh nuk kanë marrë paratë që i takojnë për orët shtesë të punës. 

Sipas Lelit, kufizimet ligjore janë bërë pengesë që zjarrfikësit, të cilët janë heronjtë e këtyre ditëve të vështira ku ndodhet vendi me flakët, të bëhen pengesë që ata të mos shpërblehen për mundin dhe sakrificën e tyre.

Vendi është përfshirë nga zjarret nga veriu në jug, ku shkak, në pjesën më të madhe të rasteve duket se është dora e njeriut dhe jo temperaturat e larta. Katër persona janë vendosur nën hetim ditën e sotme në Gjirokastër dhe një tjetër në Lezhë, të dyshuar si autorë të zjarreve që dogjën sipërfaqe të tëra me pemë e shkurre.

Gadishulli i Karaburunit vijon të digjet nga flakët prej më shumë se 2 javësh tashmë, ndërsa fatmirësisht pasditen e sotme u bë e mundur shuarja e zjarreve në Dukat dhe në Gjirin e Gramës.

Paraqiten në urgjencë disa ushtarakë që dyshohet se janë helmuar nga ushqimi.  Disa kanë marrë ndihmën e parë mjekësore në qendrën shëndetësore Orikum dhe më pas janë ccuar në urgjencën e Vlorës.

Një aksident i rëndë me pasojë vdekjen ka ndodhur në aksin Fier Vlorë pranë Novoselës.

Një përkujtimore me mesazhe sensibilizuese është ndërtuar në autostradën Fier-Vlorë në vendin ku humbën jetën 4 anëtarët e familjes Gushi, si pasojë e një aksidenti të rëndë

19 shoferë janë arrestuar për 2 ditë, ndërsa janë hequr 61 patenta dhe janë vënë 2567 gjoba. Ky është bilanci i policisë për 2 ditët e fundit, e cila thekson se gjatë 48 orëve të fundit janë konstatuar përsëri shumë shoferë që kanë tejkaluar shpejtësinë më shumë se limiti i lejuar.

Kreu i Kadastrës Artan Lame u ka prerë shpresat të gjithëve atyre personave që djegin pyjet për të hapur troje për të ndërtuar. Lame u shpreh se ata persona ta harrojnë se munden t'i legalizojnë objektet.

"Njerëzve nuk do t’u themi se shtëpitë s'do legalizohen", ky audio përgjim i kreut të kadastrës Artan Lame, publikuar para zgjedhjeve të 25 prillit shkaktoi furtunë mediatike. Audiopërgjimi ishte bërë në 2017, por, edhe sot 4 vite pas regjistrimit të kësaj bisede Artan Lame mendon njësoj.