Një person është arrestuar sot në Vlorë dhe një tjetër është shpallur në kërkim, pasi akuzohen për kultivim kanabisi. Në pranga ra 31-vjeçari me inicialet -E. I në fshatin Mërtiraj dhe u shpall në kërkim L. I., 30 vjeç, banues po në fshatin Mërtiraj, Selenicë.

Mot me reshje shiu pritet që të ketë në ditët në vijim në vendin tonë. Për shkak të përkeqësimit të kushteve atmosferike, bashkia e Vlorës u ka bërë thirrje qytetarëve që të shmangni lëvizjet me makina që nuk janë të domosdoshme

Ardian Leka, babai i 23 vjeçares Brisilda Sadushi, thotë se ka kërkuar të takojë mjekun për të mësuar më shumë për shkaqet që çuan drejt vdekjes vajzën e tij, por shton se ende nuk ka marrë një përgjigje. Në pritje të ekspertizës, ai heziton të hedhë akuza në drejtim të mjekëve, por thekson se pasi të marrë përgjigje, çështjen do ta ndjekë deri në fund.

Një ditë më parë, Fotaq Bala, në lot, pa fadromat e IKMT-së duke i shembur para syve bizneset dhe pronat në Jalë, ndërsa të njëjtin fat ka patur sot edhe një tjetër ndërtesë në pronësi të kësaj familje.

Banorët i kanë rindërtuar sërish pronat, pasi pretendojnë se kanë një vendim të gjykatës së Shkallës së Parë që tregon se nuk duhen shembur këto prona. Ndërsa nga ana e IKMT pretendohet se vendimi është hedhur poshtë nga Apeli dhe është dhënë e drejta e shembjeve

Në Vlorë është përfshirë nga flakët fusha e mbetjeve urbane, duke bërë që të paralajmërohet një alarm mjedisor.

Një 26-vjeçar shqiptar është arrestuar nga policia e Tiranës pasi ka ndihmuar 2 shtetas sirianë për kalim të paligjshëm të kufirit

Kampioni i botës, Piro Dhima i ka dhënë lamtumirën e fundit nënës së tij, Lefteri e cila u gjend e vdekur dy ditë më parë në oborrin e shtëpisë së saj, ku jetonte e vetme në Himarë.

Era e fortë ka favorizuar flakët, që u përhapën me shpejtësi drejt tokave bujqësore, ndërkohë në rrezik nga flakët është edhe nën/stacioni elektrik i fshatit.

Fenomeni i braktisjes së fshatit nuk ka prekur vetëm zonat malore, por edhe ato bregdetare. Shkolla 9-vjeçare e Radhimës në Vlorë është mbyllur prej dy vitesh për shkak rënies së numrit të nxënësve, ndërsa 20 fëmijë janë transferuar në shkollën e Orikumit. Prindërit ankohen për mungesën e transportit.

5 persona janë arrestuar, mes tyre një egjiptian, pasi akuzohen se transportonin emigrantë të paligjshëm nga vendet e treta drejt Italisë me gomone. Arrestimi i tyre ndodhi gjatë operacionit të koduar “Bristani”,  ku të arrestuarit kundrejt pagesës i transportonin emigrantët drejt Italisë. Një tjetër person është shpallur në kërkim.

Qarku i Vlorës vijon që të mbetet një nga zonat më problematike sa i përket zjarreve. Një tjetër vatër zjarri me ullishte dhe pemtari është regjistruar mesditën e sotme në fshatin Bestrovë, njësia qendër, ku sa raportohet paraprakisht zjarri ka qenë i qëllimshëm.

15 klandestinë janë kapur në zonën e Karaburunit në gjirin e Bristanit në Vlorë mëngjesin e sotëm. Klandestinët dyshohet se janë shtetas siriane dhe janë arrestuar nga policia, ndërsa ishin në tentativë për t’u larguar mes Portit të Vlorës drejt Italisë dhe vendeve të BE-së

Teksa shikon fotot e një grumbulli me goma, në përshtypje të parë të duket diçka e zakonshme nga një gomisteri, por vijnë nga fundi i detit në Himarë, duke ngritur alarmin për një katastrofë mjedisore.

Banorët e Velçës në Bashkinë Selenicë, prej vitesh vijojnë të kërkojnë që shteti tu ndërtojë rrugë, pasi fshati vetëm 36 kilometra nga Vlora është i izoluar vetëm nga ky fakt. Ata pak banorë të mbetur, thonë se do e braktisin fshatin tek fëmijët në emigrim nëse shteti nuk i rregullon rrugën.