Akuzohet nga familja Petroshi, reagon në ‘Pa Gjurmë’ shoku :Pa humbjes, u largova në…

15 Dhjetor 2020, 17:35

32-vjecari nga Elbasani Viktor Petroshi u zhduk në rrethana të paqarta, 4 orë pasi ishte takuar me pronarin grek, ku punonte si coban në një stan të Panteleimonas, në Greqi. Pas zhdukjes së të riut, dëshmia e pronarit grek zbuloi emrin e personit, me të cilin ishte shoqëruar disa ditë para se të humbte gjurmët 32-vjecari. Viktor Petroshi nga Elbasani u zhduk prej datës 29 gusht të vitit 2006, kur në telefonatën e fundit bërë më familjarët u pohoi se do të kthehej në Shqipëri, në shtator të po atij viti. Në Greqi ku kishte emigruar një vit më parë, bashkë me dy kushërinjtë e tij, e priti i vëllai i tij, Iliri, i cili i kishte gjetur edhe një punë në një stallë viçash në fshatin Panteleimona të Greqisë, ku punoi deri ditën që u zhduk papritur. Pronari grek Klimi Kostandin Kallanxhiu e takoi mesditën e 29 gushtit djalin nga elbasani, por pak orë më pas ai u zhduk. Mbrëmjen e po asaj date ai telefon të vëllain Ilirin, i cili niset menjëherë drejt fshatit ku takohet me pronarin grek. Ky i fundit nuk kishte asnjë informacion për largimin e 32-vjecarit, ndërsa u shpreh i gatshëm për tju drejtuar edhe policisë. Gjithashtu, ai i pohoi Ilirit se vëllai i tij i zhdukur Viktori kohët e fundit shoqërohej me një djalë shqiptar, i cili punonte 10-15 minuta larg. Pas kësaj dëshmie Viktori nis kërkimet fillimisht për të takuar shokun e Viktorit i cili gjithashtu ishte larguar nga vendi ku punonte, pasi kishte marrë me vete edhe paratë. Një muaj më pas, Viktori mëson vendondodhjen e shokut të panjohur ndërsa takohet me të. Ky përson që u prezantua si Miri Prenga nga Vlora, i pohoi se e njihte Viktorin dhe se më datë 29 gusht e kishte parë tek largohej mes vreshtave dhe se i kishte thënë se do të kthehej shpejt. 2 ditë pas kësaj dëshmie që Miri Prenga i dha vëllait të Viktorit, u zhduk sërish. Më vonë Iliri zbulon se në të vërtetë se ky person quhej Miri Gjini dhe se ishte nga Durrësi. Kërkimet nga familjarët vijuan edhe më tej, kur pas denoncimit që bënë në policinë greke, por edhe në qytetin e Elbasanit i shoqëruar nga uniformat blu vëllai i 32-vjecarit të zhdukur u paraiq në familjen e Miri Gjinit në Durrës, por nuk e gjetën aty, moment nga i cili ai nuk doli më në skenë. Dyshimet për familjarët janë pikërisht tek ky person, pasi mënyra se si Miri Gjini mashtroi për të dhënat e tij personale dhe fakti që qëndron i fshehur për vitesh, mbajnë peng të vërtetën e asaj dite, kur Viktor Petroshi humbi gjurmët në rrethana misterioze.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha