Bashkëshortja Lefter Zhidrus në lot: Policia nuk na la të flisnim në telefon, nuk kemi ndërmjetësuar

29 Shtator, 17:53 | Përditesimi i fundit: 2020-09-29 17:56:13

Floresha Zhidru dhe vajza  14-vjeçare kanë deklaruar se ata nuk janë lejuar të flasin në telefon me Lefterin që të ndërmjetësonin që të dorëzohej, përkundrazi janë ndaluar nga policia edhe pse i janë lutur që t'i lejonin. Ndërkohë që ditën e ngjarjes u raportua se në 5 orë ndërmjetësime është përfshirë edhe bija 14-vjeçare e Lefter Zhidrus.

"Policia na e bëri këtë. Pas 15 minuta na çon në komisarit dhe policisë i them që nuk është njeri i dhunshëm. I kërkuam na jepni në telefon që të flasim, jo njëherë po disa herë. I kam kërkuar të mos ma vrasin burrin pasi është i pafajshëm. Le të dënohet për atë që ka pasur. Nuk na lanë të komunikonim, kemi qenë në komisarit deri në 12 të natës, nuk na linin të dalin. I thoja jepjani cupes  të flasë me të atin, nuk ka informacion na lejonin", tha bashkëshortja e Lefterit.

r.k./Shqiptarja.com

Programe të tjera

Shiko të gjitha