Në Tiranën e viti 1942 do të binte në sy një çift mjaft I bukur, të spomartuar. Bianka de Korvin dhe Adem Balliçi. Ai ishte një financier shqiptar, i shkolluar në Austri dhe i përfshirë në qarqet elitare të Austrisë dhe Italisë së asaj periudhe, ndërs ajo ishte një grua sharmante, konteshë austro-hungareze, me profesion gazetare. Ishin njohur dhe dashuruar gjatë pushimeve në Itali dhe menjëherë ishin martuar dhe kishin vendosur ta vijonin jetën në Shqipëri. Por vetëm 4 vite lumturi do të kishin në jetën e tyre. Shqipëria nën regjimin komunist do të kthehej në një ferr për ta që në vitin 1946, kur do të arrestohej befas Bianka. Dita e arrestimti të tyre do të shkatërronte nga themlet jetën e bukur që ata kishin ndërtuar së bashku. Bianka do të provonte në trupin e saj torturat më çnjerëzore që mund ti bëheshin një gruaje, dëshmitë mbi torturat e saj janë të rënda…aq sa imagjinata e gjithkujt që i dëgjon do të ishte sërish shumë larg atyre çka ajo përjetoi në atë ferr… më pranë realitetit mund të ketë qene vetëm Ademi, i cili pas daljes së saj nga burgu, do të dëgjonte makthet e saj në gjumë apo do të shihte hartën e plagëve të pafund në gjithë trupin e saj….Ishin njohur në ditë të bukura, plot passion e ëndrra dhe po jetonin stinën e acartë në ferrin komunist….