Bishtaja me oriz

Përbërësit:

• 500 gr bishtaja
• 1 qepë
• 1 filxhan kafeje oriz
• 3 domate
• 1 spec i kuq
• 1 lugë gjelle majdanoz
• Vaj ulliri
• Kripë, piper

Përgatitja:

Pastrojmë bishtajat, u heqim fijet dhe i presim në copa të vogla. Në tenxhere kaurdisim qepën e grirë hollë me vaj ulliri derisa të zbutet. Shtojmë bishtajat dhe i përziejmë për pak minuta. Hedhim domatet e grira, specin e kuq të prerë në kubikë dhe orizin. Rregullojmë shijen me kripë e piper. Shtojmë ujë sa të mbulojë përbërësit (pak më shumë për të gatuar orizi). E lëmë të ziejë në zjarr mesatar derisa bishtajat dhe orizi të zbuten. Në fund e spërkasim me majdanoz të freskët të grirë.