Boçe pishe, ëmbëlsirë e Krishtlindjes
Përbërësit:
- 170 gr biskota
- 75 gr gjalpë
- 150 ml qumësht
- 4 lgj kakao
- 2 lgj sheqer pluhur
- Konfleks çokollate për zbukurim
Përgatitja:
Fillimisht grijmë biskotat sa më të imta dhe i vendosim në një tas ku shtojmë gjalpin e temperaturës së ambientit, kakaon dhe sheqerin pluhur. I trazojmë mirë duke shtuar qumështin pak nga pak dhe duke e përzier derisa masa të lidhet plotësisht. Më pas krijojmë format e biskotave, të cilat duhet të marrin një formë si një boçe pishe, duke përdorur këtu edhe konfleksat e çokollatës që do t'ia vendosim brumit të krijuar, sipër e spërkasim me pak sheqer pluhur për t'i dhënë më shumë ëmbëlsi.
