Një vit pasi u lejua për testim, Neuralink e miliarderit Elon Musk ka implantuar për herë të parë në histori çipin e saj të trurit me valë tek një qenie njerëzore. “Pajisja quhet ‘Telepathy’ dhe ju lejon të keni kontrollin e telefonit ose kompjuterit tuaj dhe nëpërmjet tyre, pothuajse çdo mjet, thjesht duke menduar”, është shprehur Musk. Pajisja është menduar të ketë disa aplikacione, nga rivendosja e funksionalitetit motorik brenda njerëzve deri te mundësimi i një ndërlidhje tru-kompjuter. Në studion e “Rreze Dielli” me inxhinierin bioteknologjik Ermand Martenika, diskutojmë mbi të ardhmen e teknologjisë, çfarë pritet të sjellë ky zhvillim, kush përfiton dhe si do funksionojë?