E ftuar në këndin e gatimit të “Rreze Dielli” Katerina Gremo, shefe kuzhine si dhe autore e disa librave në fushën e kulinarisë. Katerina Gremo jeton prej disa vitesh në Athinë.
Çokollata diabetike
Përbërësit:
- 200 gr çokollatë e zezë
- 200 gr tahini
- Cipë portokalli
Përgatitja:
Në një enë copëtojmë çokollatën dhe e shkrijmë në banjomari. Shtojmë më pas tahinin duke e përzier si dhe cipën e grirë të portokallit. Pasi e kemi punuar mirë brumin e çokollatave e vendosim në forma. I lëmë të ftohen dhe i kemi gati për konsumim duke i mbajtur në një vend të freskët.
