Ëmbëlsirë me niseshte e bajame

Përbërësit:

• 350 gr niseshte
• 300 gr sheqer
• 1 litër ujë
• 4 lugë gjalpë të shkrirë
• 80 ml vaj ulliri
• 80 gr bajame të pjekura

Për pjesën e sipërme:

• 1 lugë gjelle niseshte
• 2 lugë gjelle kos
• 1 lugë çaji sheqer

Përgatitja:

Në një tenxhere vëmë të ziejë gjysmën e ujit me sheqerin dhe vajin. Në pjesën tjetër të ujit tretim mirë niseshten. Sapo uji të fillojë të vlojë, shtojmë dalëngadalë përzierjen e niseshtes duke e trazuar vazhdimisht me lugë druri në temperaturë të ulët, derisa masa të trashet. Shtojmë gjalpin dhe bajamet dhe e përziejmë mirë. E derdhim masën në tepsi të lyer me gjalpë. Në fund përziejmë pak niseshte me kos dhe e lyejmë sipër që të mos çahet gjatë pjekjes. Spërkasim pak sheqer sipër për efekt karamelizimi dhe e pjekim në furrë të parangrohur në 200–220°C derisa të marrë ngjyrë të artë (rreth 25–30 minuta).