Fërgesë kima me lakër dhe vezë
Përbërësit:
- Lakër e bardhë
- Mish i grirë
- Qepë e thatë
- Salcë domate
- Pak oriz
- Vezë
- Majdanoz
- Kripë, piper
Përgatitja:
Shpesh herë mbushja që përgatisim për dollamat na tepron, me këtë masë mund të përgatisim një kimë apo një fërgesë shumë të shijshme duke shtuar tek harxhi i mbushjes pak salcë domate pelte dhe 2 lugë majdanoz të grirë. E lëmë të ziejë mirë duke rregulluar shijen me erëza dhe bimë aromatike sipas dëshirës. Bëjmë 2-3 gropëza si fole për të shtuar vezët. Sipër vezëve hedhim një prekje gishtash piper dhe kripë, vendosim kapakun dhe e lëmë për 5 minuta në temperaturë të ulët.
