Festojmë sot me familjen e madhe të Report TV, me gazetarë dhe moderatorë të palodhur në punën e tyre. Ndajmë së bashku një bisedë të këndshme në këto ditë të para të vitit të ri. Si u përmbyll ky vit? Cilat ishin ngjarjet më të rëndësishme dhe më të vështira që e shënjuan atë? Si është një ditë e zakonshme pas ekranit dhe si funksionon koordinimi i punës? Do të rikujtojmë momentet që shënjuan politikën, por edhe ngjarje të tjera të rëndësishme në vend, raportimet e gjata, sfidat dhe vështirësitë që u lanë pas... Do të ndalemi edhe te momentet më të vështira live, kur emocionet kanë marrë përparësi, si e qeshura apo situata të papritura, dhe mënyra se si janë menaxhuar ato. Nuk do të mungojnë as batutat për jetën mes kolegëve, rivalitetet profesionale, lufta e klikimeve apo xhelozitë, si dhe një moment i veçantë improvizimi live, ndoshta edhe me një këngë. Në fund, urimet dhe mesazhet për një vit sa më të mbarë për të gjithë. Gëzuar 2026!