Gjellë verore me speca dhe domate
Përbërësit:
- 4 speca
- 500 gr domate
- 3 qepë
- 2 lgj oriz
- Vaj ulliri
- Kripë, piper
- Spec djegës
Përgatitja:
Në një tenxhere me pak vaj kaurdisim qepët e prera mesatarisht, shtojmë pak kripë për të ndihmuar zbutjen e qepës. Sapo qepa të bëhet transparente shtojmë specat të cilat i kemi marinuar me pak kripë. Vazhdojmë kaurdisjen për pak minuta duke shtuar më pas domatet e prera në kubikë. Shtojmë pak sheqer për të neutralizuar aciditetin e domateve. Rregullojmë shijen me erëza, shtojmë ujin dhe orizin e shpëlarë. E lëmë gjellën të gatuhet në temperaturë mesatare derisa të shohim që domatet janë tretur. Në fund sipas dëshirës mund të shtojmë pak spec djegës.
