Në studion e "Rreze Dielli" me një çift të jashtëzakonshëm, një dyshe e suksesshme jo vetëm në jetë, por dhe në profesion. Për 35 vite ata kanë ndarë së bashku lumturinë, sakrificat, suksesin, krijimtarinë duke u bërë simbol i një harmonie që bashkon edhe familjen edhe profesionin. Si regjisorë, skenaristë dhe producentë të spektakleve të ndryshme brenda dhe jashtë vendit ata kanë krijuar momente të paharrueshme që kanë mbetur në kujtesën e publikut për gati 26 vite, teksa organizojnë konkursin e bukurisë shqiptare, ndërsa në jetën private janë prindër dhe gjyshër, të cilët ndriçojnë rrugën e familjes së tyre. Me çiftin Alda Bida dhe Petri Bozo ndajmë një bisedë të këndshme të rrugëtimit të tyre artistik dhe familjar, nga historia e tyre e bukur e dashurisë tek pasionet dhe sukseset në rrugën e artit.
