Gurabije me gjalpë
Përbërësit:
- 800 gr miell
- 600 gr gjalpë ose margarinë
- 100 ml vaj
- 500 gr sheqer pluhur i imët
Përgatitja:
Hedhim miellin mbi banakun e punës në formë rrethore, në mes vendosim sheqerin, gjalpin e temperaturës së ambientit, vajin dhe e përziejmë duke filluar nga mesi (tresim në fillim sheqerin me gjalpin duke marrë miell dalëngadalë). E punojmë mirë derisa të bëhet një masë e plotë. Më pas e lëmë të pushojë për rreth 5 minuta. Brumin e hapim me okllahi mbi banak me trashësi 1,5-2 cm. E presim në formë rombi ose paralelogrami. I vendosim gurabijet në tavë të lyer me gjalpë dhe i lëmë të piqen në furrë në temperaturën 150 gradë Celsius për 30 minuta.
