Një ditë pasi festoi vitin e 10-të të lindjes, vajza nga Policani me emrin Nikol udhëtoi drejt Turqisë. Një hematomë në shpatullën e saj të brishtë, që u vu re nga nëna tronditi pa masë familjen Dashi duke ndryshuar krejtësisht jetën. Historia e Nikol preku zemrat e të gjithëve, e vështirë edhe për stafin e ’Pa Gjurmë’ kur në studio gjyshi i saj Adriatik Dashi bënte apel për ndihmë. Sëmundja e mbesës që ishte diagnostikuar me tumor e kishte trishtuar shumë, ndërsa me lot në sy nuk mundi dot ta fshihte dhembjen. Një nga ato histori të trishta, ndaj të cilave askush nuk mund të ishte indiferent. Mungesa e një kurimi të specializuar në Shqipëri, bëri bashkë me prindërit, qytetarët e Policanit, bashkëmoshatarët e vogëlushes, të afërm e miq të familjes të cilët nisën fushatën sensibilizuese për të shpëtuar jetën e 10-vjeçares.Menjëherë sapo rasti u bë publik thirrjes për ndihmë iu përgjigjën me dhjetra qytetarë brenda dhe jashtë Shqipërisë. Ky xhest nga emigrantët anekënd botës ngjalli shpresë, duke bërë që të gjithë të besonim në një mrekulli. Sot, afro një vit më pas ndërsa data shënon 28 prill udhëtojmë drejt Aeroportit Nëna Tereza në Rinas. Në mesin e qindra udhëtarvë që zbrisnin nga avionët e linjave dhe shumë të tjerëve që nxitonin të kapnin udhëtimin e radhës me pankarta, lule e tullumbaca në duar të gjithë prisnin mbërritjen e Nikol. Të përlotur nga gëzimi gjyshërit e Nikol ndihen falenderues për mbesën e tyre pasi sëbashku ia kishin arritur kësaj dite. Të pranishëm në pritjen e ardhjes së Nikol përveç familjarëve ishin edhe mësuesit shokët dhe shoqet e klasës, të cilët kishin shpresuar fort në këtë ribashkim. Në syte e tyre ndjehehj gëzimi, për vajzën më të fortë që kanë njohur ndonjëherë, gjë të cilën nuk nguruan ta transmetonin edhe në këto intervista të realizuara.Me brohoritje dhe lot gëzimi në sy pritjes prej dy orësh i erdhi fundi, kur para të gjithëve ne u shfaqet imazhi i vogëlushes. Momente emocionuese që ia lanë vendin përqafimeve. E lumtur që arriti të mposhtë sëmundjen dhe gjithashtu e emocionuar nga kjo surpriza dhe pritje madhështore Nikol shprehet falenderuese për të gjithë ata që bënë të mundur shërimin e saj. Në sytë e kujtdo dukej qartë gëzimi që pranë kishin vogëlushen më të fortë se kurrë. Historia e Nikol Dashit është një histori suksesi e cila frymëzon të vegjël e të mëdhenj duke dhënë një mesazh të fortë. dorëzohen kurrë, ku me dashuri dhe duke u bërë të gjithë bashkë mund të mposhtim cdo sfidë që jeta na hedh.