“Iku dhe ma la vajzën foshnje”/ Babai:Vajza s’ka mall për nënën, do shes gjakun për ta rritur

9 Dhjetor 2020, 01:15

11 vite më parë u njoh me gruan që do të bëhej bashkëhsortja e ardhshme e tij për pak kohë. Pasi kur vajza erdhi në jetë një vit më pas, ajo do ta braktiste, duke u larguar përgjithnjë nga shtëpia në Lushnjë ku cifti banonte. Vajzen e la 11 muajshe... Familja e ish-bashkëshortes nuk e aprovuan kurrë këtë martesë, për shkak të paragjykimeve, pasi Rrapi i përkiste një tjetër komuniteti, atij me ngjyrë. Për ish-bashkëshorten ky ishte largimi i dytë, nga shtrati bashkëshortor, pasi më parë ishte larguar në të njëjtën mënyrë, nga martesa e parë në të cilën ka edhe dy fëmijë të tjerë. Kur vajza sapo kishte mbushur 5 vjec, ajo i kërkon do ti kërkonte bashkëshortit divorcin. Ky i fundit edhe pse me vendim gjykate iu la kujdestaria e fëmijës, nuk ia ndali kurrë të drejtën nënës për ta takuar vajzën. Babai që sot përkujdeset për të bijën dhe ka qenë për të edhe nënë edhe baba. Prej shumë vitesh ka jetuar në qytetin e Durrësit, derisa vendosi të kërkojë një mundësi më të mirë jetese për vajzën e tij, duke mos u ndarë kurrë prej saj.Një muaj më parë mbërriti në Tiranë dhe aktualisht jeton në Kodër Kamëz, në banesën që për një muaj do t’i paguhet nga pronarja e një qendre private. Një baba që i thyhet zemra kur vajza shikon bashkëmoshatarët e saj dhe vetë nuk ka mundur ta ketë dashurinë e nënës, përvec asaj që babai i ka kushtuar jetën e tij. Edhe pse është vënë ballë furtunave, mbi të gjitha ndjehet një baba krenar për vajzën e tij. Ai kërkon të jetë për të frymëmarrja e cdo sacrifice.

Programe të tjera