Kek me portokall

Përbërësit:

• 300 gr miell
• 150 gr sheqer
• 3 kokrra vezë
• 250 ml lëng portokalli
• 50 ml vaj ulliri
• 1 lugë e vogël sodë
• Lëkurë portokalli e grirë

Përgatitja:

Në një enë rrahim vezët së bashku me sheqerin. Më pas hedhim lëngun e portokallit dhe vajin duke i përzier mirë. Miellin me sodën i bashkojmë dhe i shtojmë në masën e lëngshme duke i situr. E trazojmë mirë derisa masa të homogjenizohet. Në fund hedhim lëkurën e portokallit të grirë në rende.

Masën e kekut e hedhim në një tavë të lyer me gjalpë dhe pak miell dhe e vendosim në furrë në temperaturën 180 gradë Celsius për rreth 40 minuta.