Në shtëpitë tona, sirtaret janë plot me tableta, shurupe, ilaçe, kremra e suplemente që i përdorim sipas nevojës. Por sa dimë vërtet për mënyrën e ruajtjes së tyre? A është frigoriferi vendi i duhur për çdo ilaç? A rrezikojmë shëndetin duke përdorur barna jashtë paketimit ose të mbetura nga një kurë e mëparshme? Në këto ditë të nxehta vere, ruajtja e gabuar e ilaçeve mund të sjellë më shumë dëm se dobi. Prandaj është e nevojshme të ndajmë këshilla të qarta, të thjeshta dhe të domosdoshme: si të ruajmë ilaçet në verë, cilat janë gabimet më të shpeshta që bëjmë në shtëpi, apo kur marrim ilaçe në udhëtime e pushime, si dhe çfarë duhet të dimë për suplementet që po përdorim gjithnjë e më shumë. Për këtë flasim në studion e Rreze Dielli me farmacisten Elda Tomçini.