Kunguj të mbushur

Përbërësit:

• 1 kg kunguj të njomë
• 3-4 lgj vaj ulliri
• 350 gr qepë
• 500 gr mish i grirë
• 400 gr domate
• 80 gr oriz
• Kripë, piper i zi
• Kopër, majdanoz

Përgatitja:

Pastrojmë kungujt duke i dhënë formën që dëshirojmë (tub ose varkë). Më pas i japim një skuqje të lehtë. Pjesën e brendshme të kungujve e grijmë shumë hollë. Në një tigan të thellë kaurdisim qepën të grirë shumë hollë dhe mishin e më pas i trazojmë së bashku derisa mishi të ndryshojë ngjyrë. Shtojmë orizin e domatet dhe i lëmë të ziejnë vetëm për 7-8 minuta. Rregullojmë shijen me kripë, piper e bimë aromatike dhe mbushim kungujt, të cilët i vendosim në furrë në temperaturën 190 gradë Celsius për 30 minuta.