Lakror me oriz dhe mish shelegu, recetë tradite

1 pako peta të gatshme

1 kg mish tul

3 kokrra qepë

2 gota uji oriz

4 vezë

4 lgj vaj ulliri

4 lgj gjalpë të tretur

Kripë, piper i zi

Në tenxhere vendosim vaj ulliri dhe kaurdisim qepët e grira. Shtojmë thelat e mishit, të cilat i kemi prerë të vogla si edhe kripën. Pasi mishi të ketë zjerë shtojmë orizin. E largojmë nga zjarri dhe shtojmë vezët e rrahura. Petët e lakrorit i hapim në tepsi. Në çdo 2 petë shtojmë vaj dhe mbushje sikurse dhe e spërkasim në piper. E vendosim lakrorin të piqet në furrë të parangrohur në temperaturën 180 gradë Celsius.