Të vishesh sipas formave të trupit është një mënyrë e shkëlqyer për të theksuar pikat e forta dhe për të krijuar një pamje më të balancuar dhe të harmonizuar. Gjithmonë është e rëndësishme të kesh besim në atë që po vesh dhe të zgjedhësh veshje që të bëjnë të ndihesh rehat dhe e sigurtë. Të njihni trupin tuaj është hapi i parë për të vlerësuar forcën e figurës dhe për të fshehur ato pjesë kritike që nuk ju pëlqejnë! Trupi femëror kategorizohet përmes pesë llojeve të ndryshme të formave si dardhë, mollë, trekëndësh,  drejtkëndësh, apo orë rëre. Por si mund të krijojmë iluzionin e një siluete trupi më të balancuar me anë të rrobave që veshim? Stilistja Griselda Rexhaj në studion e "Rreze Dielli" na tregon sesi të zgjedhim veshjet e duhura sipas formave trupore. Stilistja gjithashtu jep këshilla praktike mbi zgjedhjen e pëlhurave, modeleve dhe aksesorëve për të arritur një pamje sa më elegante dhe të ekuilibruar.