TIRANË – Sali Berisha akuzoi qeverinë për vrasjen e gjyqtarit Astrit Kalaja dy ditë më parë në sallën e gjyqit në Gjykatën e Apelit në Tiranë. Kreu i PD-së, i cili as nuk mori pjesë në homazhet ndaj gjyqtarit të mbajtura në Pallatin e Kongreseve, tha në mbledhjen e sotme të kryesisë së partisë se kryeministri Edi Rama anuloi vendimin e vitit 2010 që gjykatat duhet të ruheshin nga policia, dhe se në vitin 2020, sigurinë e këtyre institucioneve të drejtësisë ia kaloi asaj që ai e quajti si “policia e xhepit”.