‘Na erdhi shumë keq që nuk u transmetua filmi', regjisori Bujar Kokonozi tregon sfidat e profesionit

10 Korrik 2020, 10:42 | Përditesimi i fundit: 2020-07-10 10:43:42

 

Në një intervistë në emisionin ‘’ Rreze Dielli ‘’ në rubrikën nostalgji  ishte i ftuar regjisori Bujar Kokonozi. Ai ka treguar të pathënat për karrierën e tij të gjatë në fushën e kinematografisë, punën, marrëdhënien  me aktorët, çensurën e hasur në kohën e monizmit dhe dokumentarin për Luftën e kosovës, si një ndër momentet më të vështira të karrierës së tij profesionale, për shkak të momenteve dramatike me të cilat është hasur gjatë realizimit të dokumentarit.

‘Heronjtë e Vigut’ ëshë filmi i cili u çensurua dhe nuk u lejua të trasnmetohej, për shkak të ideologjisë së kohës, për të cilën regjisori Bujar Kokonozi thotë se e pa vetëm një pjesë e vogël dhe aq sa u pa u pëlqye shumë.

‘’Mund të quhet si filmi parë, pa çka se nuk u trasnmetua asnjëherë, filmi parë është bërë pak më vonë pastaj, e ka bërë më duket Mevlani, ‘’Korrierët’’ ose Pali Kuke, nuk më kujtohet shumë mirë. Mbasdite do ta shfaqnim me shefin e madh, u pa filmi heshtje, dhe kthehet nga ne dhe thotë’’ Cuna ju lumtë, keni bërë një punë shumë të mirë, por filmi nuk trasnmetohet’’ se vërtet ishte punë e këndshme, punë e mirë, paçka se ne ishim të rinj por për moshën që kishim dhe për atq që dhamë, ishte mjaft e realizuar.  Domethënë ishte çështje e trajtimit të filmit, ne na erdhi shumë keq që nuk u trasnmetua, por në fund të fundit nuk ishte kursyer asnjë nga ideja dhe mendimi ynë për ta realizuar filmin,

Ndërsa thotë edhe pas viteve 90’ kur mendonin se do të bënin projekte të bukura, dhe të vendosnin në punë çdo imagjinatë në fakt nuk ishte aq e thjeshtë pasi sipas tij ‘’ Liria kushton shpenzim të jashtëzakonshëm të kulturës, pasionit, etj etj etj’’ shprehet ai.