“Në divorcin e një çifti apo vdekjen e njërit nga bashkëshortët shpesh ka inate, qejfmbetje dhe deri hakmarrje. Pala që ndihet e fyer përpiqet të bëjë sa më shumë keq duke përdorur deri fëmijët apo harruar ata, që janë më të prekurit në këtë histori. Kulmi arrin kur njëri nga prindërit rimartohet. Edhe pse këto situata nuk janë të lehta, të rriturit duhet të mendojnë përpara se të flasin. Të mendojnë në interesin e fëmijës, të mos ia fyejë apo t’i shtojnë gjëndjen e rëndë emocionale që përjetojnë nga ngjarje të tilla. Ata nuk e dinë se çfarë do të ndodhë me ta dhe kush është gjëja më e mirë për të bërë dhe si të sillen. Ata presin nga të rriturit që i besojnë” shprehet pediatrja Lira Gjika. Si duhet në rradhë të parë t’ia komunikojmë fëmijëve këtë ndryshim në jetën e tyre dhe si t’i ndihmojmë për ta përballuar dhe pranuar sa më shëndetshëm këtë situatë.