Kryeministri Edi Rama ka paralajmëruar një ndërtues në Tiranë që nuk do të marrë më asnjë leje ndërtimi nëse nuk respekton projektin e pallatit që ka bërë në kryeqytet.

Gjatë fjalës së tij në prezantimin e paketës së masave ligjore për shkeljet e lejeve të ndërtimit, Rama nuk e përmendi me emër ndërtuesin, por tha se në projektin aktual kishte parashikuar fasadë të gjelbër dhe nuk ka mbjellë asnjë pemë.

Kryeministri e paralajmëroi se nuk do të marrë më asnjë leje ndërtimi nëse nuk mbjell pemët në fasadën e pallatit siç është në lejen e ndërtimit.