Jurgen Hakani prej 4 vitesh jeton në Suedi ku ushtron sportin e bodybuilder. Sportin e ka nisur që në moshë të vogël, i nxitur nga babai, një nga emrat e njohur të sportit të peshëngritjes, i ndjeri Mirjan Hakani. Fillimisht provoi sportin e Atletikës, hedhjen e diskut, ku falë talentit dhe punës u evidentua dhe në lojrat olimpike për kategorinë U19. Në moshën 22 vjeçare, pas ndarjes nga jeta të babait, ai vendosi të kalojë në disiplinën e bodybuilder, të cilën e ushtron prej 4 vitesh si profesionist në Suedi. Në studion e “Rreze Dielli” Jurgen Hakani rrëfen marrëdhënien e veçantë me të atin dhe pasionet për sportin duke ndarë dhe disa këshilla për teleshikuesit tanë…