Paella - Oriz me fruta deti dhe perime

Përbërësit:

• 1 litër lëng pule
• ½ lugë çaji shafran
• ¼ lugë çaji kripë
• 3 lugë gjelle vaj ulliri
• ½ qepë e verdhë
• ½ spec i kuq
• 3 thelpinj hudhër
• 600 gr oriz
• 400 gr domate të grira
• 150 gr bizele
• 450 gr karkaleca të pastruar
• 450 gr midhje
• ¼ gotë majdanoz i grirë

Përgatitja:

Ngrohni lëngun e pulës dhe shtoni shafranin. Lëreni të qëndrojë 10 minuta. Në një tigan të madh ngrohni vajin e ullirit. Kaurdisni qepën dhe specin për 4-5 minuta. Shtoni hudhrën, lëreni 2 minuta. Më pas shtoni orizin dhe përziejeni për 1 minutë. Hidhni domatet dhe lëngun me shafran. Shtoni kripën dhe lëreni orizin të gatuhet në zjarr mesatar pa e përzier shumë për rreth 15 minuta. Më pas shtoni bizelet, karkalecat, midhjet. Vazhdoni gatimin edhe 10-15 minuta derisa orizi të thithë lëngun dhe frutat e detit të hapen. Hiqeni nga zjarri, mbulojeni me letër alumini për 5 minuta. Në fund spërkateni me majdanoz të freskët dhe shërbejeni menjëherë.